4 years ago
June 18, 2020
एजेन्सी – जर्मन बुन्डेसलिगामा बायर लिभरकुसनले एफसी कोल्नमाथि सहज जित हात पार्दा आरबी लाइप्जिग रेलिगेसन जोनमा संघर्ष गरिरहेको फोर्टुना डुसेलडर्फसँग बराबरीमा रोकिएको छ । बायर लिभरकुसनले घरेलु मैदानमा एफसी कोल्नमाथि ३–१ को सहज जित निकालेको हो । लिभरकुसनको जितमा स्भेन बेन्डर, काई हाभर्टज र मोउसा डियावीले गोल गरे । कोल्नका सेवास्टियनले एक गोल फर्काए । […]
एजेन्सी – जर्मन बुन्डेसलिगामा बायर लिभरकुसनले एफसी कोल्नमाथि सहज जित हात पार्दा आरबी लाइप्जिग रेलिगेसन जोनमा संघर्ष गरिरहेको फोर्टुना डुसेलडर्फसँग बराबरीमा रोकिएको छ ।
बायर लिभरकुसनले घरेलु मैदानमा एफसी कोल्नमाथि ३–१ को सहज जित निकालेको हो । लिभरकुसनको जितमा स्भेन बेन्डर, काई हाभर्टज र मोउसा डियावीले गोल गरे । कोल्नका सेवास्टियनले एक गोल फर्काए ।
वे एरिना लिभरकुसनमा बुधबार राति भएको खेलमा घरेल टोलीले खेलको सातौं मिनेटमा स्भेन बेन्डरको गोलबाट खेलमा अग्रता बनाएको थियो । उनले लियोन बेइलेको पासमा गोल गरेका थिए । ४०औं मिनेटमा लियोनकै पासमा युवा स्टार काई हाभर्टजले गोल गरेपछि लिभरकुसनले पहिलो हाफमा २–० को अग्रता बनायो ।
५९औं मिनेटमा सेवास्टियनले इल्भिसको पासमा गोल गर्दै कोल्नलाई खेलमा फर्काउने संकेत दिए । तर, खेल सकिन ७ मिनेट बाँकी रहदा मोउसा डियावीले काई हाभर्टजको पासमा गोल गर्दै लिभरकुसनलाई ३–१ को सहज जित दिलाए ।
जितसँगै लिभरकुसनले बोरुसिया मोन्चेनग्लाडवाकलाई पछि पार्दै शीर्ष चारमा स्थानमा बनाएका छन् । लिभरकुसनको ३२ खेलबाट ६० अंक पुगेको छ । समान खेलबाटै मोन्चेनग्लाडवाकको ५९ अंक छ । पराजित कोल्न ३५ अंक जोडेर १३औं स्थानमा छ ।
यस्तै अर्काे खेलमा २ गोलको अग्रता जोगाउन नसक्दा आरबी लाइप्जिग फोर्टुना डुसेलडर्फसँग २–२ गोलको बराबरीमा रोकिएको छ । लाइप्जिगका केभिन कम्पल र टिमो वेर्नरले गोल गरे । डुसेलडर्फका स्टेभेन र एन्द्री होफमनले गोल फर्काए ।
घरेलु मैदानमा डुसेलडर्फलाई दवावमा राखेपनि लाइप्जिगले गोलको लागि दोस्रो हाफ नै कुर्नुपरेको थियो । लाइप्जिगले ४ मिनेटको अन्तरमा दुई गोल गर्दै २–० को अग्रता बनाएको थियो । ६०औं मिनेटमा केभिनले गोल गर्दै लाइप्जिगलाई अग्रता दिलाए । त्यसको तीन मिनेटपछि टिमो वेर्नरले गोल गर्दै लाइप्जिगको अग्रता दोब्बर पारे ।
बुन्डेसलिगामा वेर्नरको यो २६औं गोल हो । उनीभन्दा अघि बायर्न म्युनिखका रोवर्ट लेवान्डोस्की (३१) अघि छन् । अन्तिम मिनेटमा सम्हालिन नसक्दा लाइप्जिगले लगातार दुई गोल खान पुग्यो । ८७औं मिनेटमा स्टेभेनले गोल गर्दै डुसेलडर्फलाई खेलमा फर्काउने कोसिस गरे ।
इन्ज्युरी समयको थप गरिएको दोस्रो मिनेटमा होफमले गोल गर्दै लाइप्जिगबाट अंक खोस्न सफल भए । बराबरीसँगै लाइप्जिगको ३२ खेलबाट ६३ अंक पुगेको छ । डुसेलडर्फ २९ अंक जोडेर रेलिगेसन जोनको प्ले अफको स्थानमा रहेको छ ।
अन्य खेलको नतिजा
आइनट्राख्ट फ्रान्कफर्टविरुद्ध साल्के (२–१)
अग्सवर्गविरुद्ध होफेनहाइन (१–३)
April 28, 2024
एजेन्सी – इंग्लिस प्रिमियर लिगमा लगातार चौथो पटक उपाधि जित्ने लक्ष्यमा रहेको म्यानचेस्टर सिटीले आइतबार जित दर्ता गरेको छ । सिटी ग्राउण्डमा भएको खेलमा म्यानचेस्टर सिटीले नटिङ्घम फरेस्टलाई २–० ले पराजित गर्दै उपाधिको आशा कायमै राखेको हो । सिटीको जितमा डिफेन्डर जोस्को ग्भार्डियोल र दोस्रो हाफमा मैदान प्रवेश गरेका स्ट्राइकर एर्लिङ हालान्डले एक-एक गोल गरे […]
April 28, 2024
हिमाल खरेल, मेचीनगर झापाको बुद्धशान्तिमा जारी तेस्रो आदर्श च्यालेन्ज कपमा पाहुना टोली नर्थ बंगाल एफसी भारतलाई ३–१ ले हराउँदै बिर्तामोड युनाइटेड एफसी सेमिफाइनलमा प्रवेश गरेको छ । बिर्तामोडको जितमा आशिष चापागाईंले ह्याट्रिक पूरा गरे । पहिलो हाफको इन्ज्युरी समयमा गोल गर्दै बिर्तामोडले अग्रता लिएको थियो । मध्यभागबाट बिर्तामोडका डिफेन्डर देवेन्द्र तामाङले गरेको फ्रिकिकलाई हेडमार्फत अभिषेक […]
April 28, 2024
काठमाडौं (हाम्रो खेलकुद) – सहिद स्मारक सि डिभिजन लिगमा आईतवार महावीर क्लब विजयी भएको छ । सातदोबाटो स्थित एन्फा कम्प्लेक्समा भएको दिनको पहिलो खेलमा महावीर क्लबले स्पोर्ट्स एकेडेमी साँगा माथि १-० को जित दर्ता गरेको हो । महावीरका लागि सन्दिप श्रेष्ठले ६७औं मिनेटमा पेनाल्टी मार्फत गरेको गोल नै निर्णायक बन्यो । जित सँगै महावीर क्लब […]