रियो २०१६ ओलम्पिक अन्तर्गत पुरुष फुटबलको सेमीफाइनलमा होन्डुरस विरुद्ध ६-०को सहज जित दर्ता गर्दै ब्राजील फाइनलमा पुगेको छ।
नेयमारले १४औं सेकेण्डमा गोल गर्दै ओलम्पिक फुटबलको सबैभन्दा छिटो गोल गरेपछि ब्राजिलले सुरुवाति अग्रता लियो। खेलभर होन्डुरसमाथि हावी रहेको घरेलु टोलीले अब स्वर्ण पदकका लागि फाइनल खेल्नेछ।
ब्राजिलले फुटबलमा ओलम्पिक स्वर्ण पदक अहिलेसम्म जितेको छैन। २०१२मा भएको लण्डन ओलम्पिकमा मेक्सिकोले ब्राजिललाई फाइनलमा हराएको थियो।
