एजेन्सी – अन्तर्राष्ट्रिय जिम्मेवारी निर्वाह गरेर फर्केका रियल म्याड्रिडका गेराथ बेल बुधबार क्लबको प्रशिक्षणमा भने सामेल हुन सकेनन् । घुँडामा समस्या देखिएपछि उनीले टोलीका अन्य खेलाडीका साथ अभ्यास नगरेको बताइएको छ । उनले जिममा भने समय बिताएका थिए ।

नेसन्स कपमा आइतबार वेल्सले बुल्गेरियलाई १–० ले हराउँदा बेल पनि विजयी टोलीमा थिए । तर, फर्केर आउँदा घुँडामा उनले केहि असहज महसुस गरेको बताइएको छ । यद्दपी, उनलाई गम्भीर चोट भने नलागेको जनाइएको छ ।

बेल अझै पनि क्लबसँग बसेर आफ्नो भविष्यका बारेमा छलफल गर्न चाहिरहेको बताइएको छ । क्लबमा उनको भविष्यका बारेमा अझै निश्चित नरहेको बताइएको छ । जिनेदिन जिदान दोस्रो पटक क्लबको प्रशिक्षकका रुपमा फर्कदा बेल सँग उनको सम्बन्ध भने राम्रो हुन सकेको छैन ।

गत सिजन रियलले ला लिगा जित्दा पनि जिदानले उनलाई धेरै प्रयोग गरेनन् । आउने सिजनमा पनि उनी प्रति जिदान सकारात्मक नरहेको अनुमान गरिएको छ । यसैबीच, जिदानले पनि नयाँ सिजनका लागि तयारी थालिसकेका छन् । केहि खेलाडी अझै टोलीमा फर्कन बाँकी छ ।

अन्तर्राष्ट्रिय विश्राम रहेका इडन हाजार्ड, लुका जोभिच, राफेन भेरान र फेरल्यान्ड मेन्डी केहि दिनमा टोलीमा आबद्ध हुनेछन् । नयाँ सिजनको पहिलो खेल रियलले सेप्टेम्बर २० खेल्ने छ । त्यसअघि टोली एउटा मैत्रीपूर्ण खेल खेल्ने तयारी छ ।