default_image

4 years ago

September 21, 2020

रोनाल्डोको गोल, प्रशिक्षक पिर्लाेको सफल सुरुवात

एजेन्सी – साविक विजेता युभेन्टरसले नयाँ सिजनको इटालियन सिरी ‘ए’ मा विजयी सुरुवात गरेको छ । घरेलु मैदानमा साम्पडोरियामाथि ३–० को सहज जित निकाल्दै युभेन्टसले विजयी सुुरुवात गरेको हो । यससँगै नयाँ प्रशिक्षक आन्द्रे पिर्लोेले पनि सिरी ‘ए’ मा सुखद सुरुवात गरेका छन् । आफ्नो प्रशिक्षणमा पिर्लोले पहिलो सफलता हात पारेका हुन् । एलिएन्ज एरिना […]

39 views

0 Bookmark

एजेन्सी – साविक विजेता युभेन्टरसले नयाँ सिजनको इटालियन सिरी ‘ए’ मा विजयी सुरुवात गरेको छ । घरेलु मैदानमा साम्पडोरियामाथि ३–० को सहज जित निकाल्दै युभेन्टसले विजयी सुुरुवात गरेको हो ।

यससँगै नयाँ प्रशिक्षक आन्द्रे पिर्लोेले पनि सिरी ‘ए’ मा सुखद सुरुवात गरेका छन् । आफ्नो प्रशिक्षणमा पिर्लोले पहिलो सफलता हात पारेका हुन् ।

एलिएन्ज एरिना टुरिनमा आइतबार राति भएको खेलमा युभेन्टसको जितमा डिजान कुलुसेभ्स्की, लियोनार्दाे बोनुची र सुपरस्टार फरवार्ड क्रिस्टियानो रोनाल्डोले गोल गरे । पहिलो हाफमा एक तथा दोस्रो हाफमा दुई गोल सम्भव भएको थियो ।

खेलको सुरुवातदेखि नै बल पोजेसनमा पकड बनाएको युभेन्टसले १३औं मिनेटमा गोलको खाता खोलेको थियो । पेनाल्टी बक्समा दुई डिफेन्डरलाई बिट गर्दै रोनाल्डोले बल अघि बढाउने प्रयास गरेपनि फुस्किएको बललाई डिजानले उत्कृष्ट फिनिस गरेका थिए । त्यसअघि खेलको छैटौं मिनेटमा डिफेन्डर डानिलोको प्रहार बाहिरिँदा युभेन्टस अग्रता लिनबाट चुकेको थियो ।

११औं मिनेटमा आरोन राम्सेको पासमा क्रिस्टियानो रोनाल्डोको प्रहारलाई साम्पडोरियाका गोलरक्षक इमिल ओउडेरोले बचाए । २४औं मिनेटमा राम्सेकै पासमा रोनाल्डोको शक्तिशाली प्रहार बारमा लागेर बाहिरिँदा युभेन्टस अग्रता दोब्बर पार्नबाट चुक्यो ।

४३औं मिनेटमा वेस्टन म्याकिनीको प्रहारले पोस्टको दिशा लिन सकेन । ४५औं मिनेटमा रोनाल्डोले बल फुस्काएपछि फवियो दिपाओलीले अघि बढाउदै गरेको प्रहार पोस्टबाट थोरै बाहिरिदा साम्पडोरिया बराबरीबाट चुक्यो ।

४८औं मिनेटमा राम्सेको पासमा जियानलुका फ्राबोट्टाको प्रहारलाई साम्पडोरियाका गोलरक्षक इमिल ओउडेरोले बचाए । ५३औं मिनेटमा रोनाल्डोको प्रहारलाई माया योसिदालाई डिफ्लेक्ट हुदै बाहिरियो । ५९औं मिनेटमा युभेन्टसले अर्काे अवसर पाएपनि सदुपयोग गर्न सकेनन् । फ्राबोट्टाको क्रसमा जुआन कोर्डाडो हुदै रोनाल्डोले गरेको प्रहार बाहिरिएको थियो । ७५औं मिनेटमा रोनाल्डोले फ्रिकिकलाई सदुपयोग गर्न सकेनन् ।

लगातार एकपछि अर्काे पोस्ट आक्रमण बुनेको युभेन्टसले ७९औं मिनेटमा गोल गर्दै अग्रता दोब्बर बनायो । कुलुसेभ्स्सीको कर्नरबाट आएको बललाई साम्पडोरियाका डिफेन्डरले क्लियर गर्न नसकेको बललाई वेस्टन म्याकिनीले गरेको प्रहारलाई गोलरक्षक इमिल ओउडेरोले बचाए । तर रिबाउन्डमा क्लोज रेन्जबाट लियोनार्दाे बोनुचीले गोल गर्न सफल भएका थिए ।

८३औं मिनेटमा एल्विन एकडलको प्रहारलाई युभेन्टसका गोलरक्षकले सहजै नियन्त्रणमा लिए । ८५औं मिनेटमा वेस्टन गोलाजिक पुगेर चुके । एकपछि अर्काे प्रहार विफल भएको रोनाल्डोले अन्तत ८८औं मिनेटमा गोल गर्दै युभेन्टसलाई ३–० को सहज जित दिलाए । आरोना राम्सेको पासमा रोनाल्डोले पेनाल्टी बक्सभित्रबाट गोल गरेका थिए ।

अन्य नतिजा

पार्माविरुद्ध नेपोली (०–२), जिनोआविरुद्ध क्रोटोन (४–१), सस्सुलोविरुद्ध काग्लिएरी (१–१)

March 28, 2024

सुरेश थापा क्षेत्री स्मृति फुटबलमा बाहुनडाँगी विजयी

हिमाल खरेल , मेचीनगर बाहुनडाँगी युवा क्लबले कार्गिल सहिद सुरेश थापा क्षेत्री स्मृति दोस्रो जेसीज नकआउट फुटबल प्रतियोगितामा विजयी सुरुवात गरेको छ । मेचीनगर ४ स्थित सरस्वती माविको खेल मैदानमा आज भएको उद्घाटन खेलमा कचनकवल फुटबल क्लबविरुद्ध २–० को सहज जित निकाल्दै बाहुनडाँगी विजयी भएको हो । जितसँगै बाहुनडाँगी सेमिफाइनलमा प्रवेश गरेको छ । बाहुनडाँगीका […]

March 28, 2024

फुटबल टोली स्वदेश फर्कियो

काठमाडौं (हाम्रो खेलकुद)- राष्ट्रिय फुटबल टोली बहराइनबाट बिहीबार स्वदेश आइपुगेको‌ छ फिफा विश्वकप २०२६ तथा एएफसी एसियन कप २०२७ को छनोटअन्तर्गत बहराइनसँग २ खेल खेलेर नेपाली टोली स्वदेश फर्किएको हो। समूह ‘एच’ मा रहेको नेपाली टोलीले ‘होम एन्ड अवे’ दुवै खेल बहराइनमा खेलेको थियो । पहिलो खेलमा ५–० गोलले पराजित नेपाली टोली बहराइनसँगको‌ मंगलबारको ३–० […]

March 27, 2024

स्लोभेनियासँग पोर्चुगल स्तब्ध

एजेन्सी– अन्तर्राष्ट्रिय मैत्रीपूर्ण खेलमा पोर्चुगल स्लोभेनियासँग स्तब्ध बनेको छ । नौं मिनेटको अन्तरालमा दुई गोल बेहोरेपछि पोर्चुगल घरेलु टोली स्लोभेनियासँग २–० ले स्तब्ध बनेको हो । घरेलु टोली स्लोभेनियाको जितमा एडम नेज्दा सेरिन र टिमी एल्सनेकले गोल गरे । गोल खेलको अन्त्यतिर ९ मिनेटको अन्तरमा भएको थियो । स्लोभेनियामा मंगलबार राति भएको खेलमा पाहुना टोली […]

Success

Thank you for your time.