एजेन्सी – इंग्लिस प्रिमियर लिगमा लेस्टर सिटीले बर्नलीलाई पराजित गरेको छ । किङ पावर स्टेडियममा आइतबार राति भएको खेलमा लेस्टरले बर्नलीमाथि ४–२ को पूनरागमा जित हात पारेको हो ।

घरेलु मैदानमा लेस्टरको जितमा हार्भे बार्नेस, जेम्स जस्टिन र डेनिस प्रयाएटले गोल गर्दा एक गोल उपहार पाएको थियो । बर्नलीका क्रिस वुड र जिम्मी डुन्नीले गोल गरेपनि हार टार्न सकेन । खेलको १०औं मिनेटमा क्रिस वुडको गोलबाट घरेलु टोली लेस्टर १–० ले पछि परेको थियो । चार्ली टेलरको क्रसलाई चेस्टले नियन्त्रणमा लिदै क्रिसवुडले गोल गर्न सफल भएा थिए ।

२०औं मिनेटमा हार्भे बार्नेसले गोल गर्दै लेस्टरलाई खेलमा फर्काउदा पहिलो हाफ १–१ गोलको बराबरीमा सकिएको थियो । जेमी भार्डीले दुई डिफेन्डरलाई बिट गर्दे दिएको ब्याक पासमा टिमोथी कास्टाग्नेको पासमा गोल गरेका थिए ।

५०औं मिनेटमा इरिक पिटर्सले आत्मघाती गोल गरेपछि लेस्टरले खेलमा २–१ को अग्रता लियो । टिमोथी कास्टाग्नेको लो क्रस इरिक पिटर्सको खुट्टामा लाग्दै गोलमा परिणत हुदा बर्नलीका गोलरक्षक निक पोपले रोक्ने कुनै अवसर नै पाएन । ६१औं मिनेटमा जेम्स जस्टिनले गोल गर्दै लेस्टरलाई ३–१ ले अघि बढाए । एयोजी पेरेजको पासमा जेम्सले जाली चुमाएका थिए ।

७३औं मिनेटमा डिवाइट म्यानेलको पासमा जिम्मी डुन्नीले गोल गर्दै खेललाई ३–२ को अवस्थामा ल्याए । ७९औं मिनेटमा हार्भे बार्नेसको पासमा डेनिस प्राएटले गोल गर्दै लेस्टरलाई ४–२ को जित दिलाए ।

जितसँगै अपराजित रहेको लेस्टर दुई खेलबाट ६ अंक जोडेर शीर्षस्थानमा उक्लिएको छ । समान खेलबाटै ६ अंक रहेपनि एभर्टन, आर्सनल, लिभरपुल र क्रिस्टल प्यालेस गोल अन्तरमा पछि छ । बर्नलीले अंकको खाता खोल्न सकेको छैन । बर्नलीको पहिलो खेलमा पहिलो हार हो ।

अन्य नतिजा
साउथह्याम्पटनविरुद्ध टोटेनहम (२–५), न्युक्यासलविरुद्ध ब्राइटन (०–३), चेल्सीविरुद्ध लिभरपुल (०–२)