एजेन्सी – अन्तर्राष्ट्रिय मैत्रीपुर्ण खेलमा आज बिहीबार राति इंग्ल्यान्डले घरेलु मैदानमा आयरल्यान्डसँग प्रतिस्पर्धा गर्दैछ । खेल वेम्वली स्टेडियममा नेपाली समयअनुसार राति १ः४५ बजे हुनेछ ।

युइएफए नेसन्स लिगको दुई मैत्रीपुर्ण खेलका लागि विभिन्न राष्ट्रहरुले मैत्रीपुर्ण खेलमा प्रतिस्पर्धा गरिरहेका छन् । घरेलु टोली इंग्ल्यान्ड आयरल्यान्डलाई हराउदै नेसन्स लिगको लागि तयार रहेको संकेत दिन चाहन्छ ।

टोलीसँग ह्यारी केन, मासन माउन्ट, मार्कुस रासफोर्ड, डोमिनिक काल्भर्ट लेविन, जेडान सान्चो, जोर्डन हेन्डरसन, जोर्डन पिकफोर्ड, ज्याक ग्रेयलिस, ह्यारी विङ्स र जोसेप गोमेजलगायतका खेलाडीहरु रहेका छन् ।

यता, आयरल्यान्ड पनि इंग्ल्यान्डलाई पराजित गर्ने लक्ष्यमा मैदान उत्रनेछ । टोलीसँग कलुम रोविन्सन, जेम्स म्याक्लिन, केभिन लङ, माट डोहर्थी र गोलरक्षक डारेन रान्डोलफ लगायतका खेलाडी छन् ।

यि दुईटोली हालसम्म दुईपटक प्रतिस्पर्धा कुनै पनि टोलीले जित निकाल्न सकेको छैन । यि दुई टोलीले २०१५ पछि पहिलोपटक प्रतिस्पर्धा गर्न लागेका हुन् । त्यतिबेलाको खेल गोलरहित बराबरीमा टुगिंएको थियो । त्यसअघि २०१३ को मैत्रीपुर्ण खेल १–१ गोलको बराबरीमा सकिएको थियो । त्यसैले दुवै टोली जितको लक्ष्यमा मैदान उत्रनेछ ।

अन्य खेल

माल्दोभाविरुद्ध रसिया (राति १०ः४५ बजे), जर्जियाविरुद्ध नर्थ म्यासेडोनिया (राति १०ः४५ बजे)
हंगेरीविरुद्ध आइसल्यान्ड (राति १ः३० बजे), नर्दन आयरल्यान्डविरुद्ध स्लोभाकिया (राति १ः३० बजे),
वेल्सविरुद्ध अमेरिका (राति १ः३० बजे)