एजेन्सी – इंग्लिस प्रिमियर लिगमा आज राति मर्सिसाइड क्लब लिभरपुलले ब्राइटनसँग प्रतिस्पर्धा ष्र्दै छ । खेल साँझ ६ः१५ बजे ब्राइटनको मैदानमा हुनेछ ।

लिभरपुल घरेलु टोली ब्राइटनलाई पराजित गर्दै कम्तीमा एक दिन शीर्षस्थानमा उक्लने दाँउमा हुनेछ । लिभरपुल ९ खेलबाट २० अंक जोडेर दोस्रो स्थानमा रहेको छ । समान खेलबाट टोटेनहम गोलअन्तरमा शीर्षस्थानमा रहेको छ ।

शीर्षस्थानको टोटेनहमले आइतबार राति चेल्सीको सामना गर्दैछ । ब्राइटनसँगको बराबरीले पनि लिभपुल शीर्षस्थानमा उक्लनेछ । पराजित भएको खण्डमा लिभरपुल दोस्रो स्थानमा नै यथावत रहनेछ ।

मोहम्मद सलाह, साडियो माने, रोबर्टाे फिर्मिन्हो, डिएगो जोटा, ताकुमी मिनामिनो, जेम्स मिल्नर, जर्जिन्हो वाइनाल्डम, एन्ड्रिउ रोबर्टसन, फाविन्हो र गोलरक्षक एलिसन बेकर टोलीसँग रहनेछ ।
चोटका कारण एलेक्स अक्सलेड चेम्वरलेन, जोइ गोमेज, जोर्डन हेन्डरसन, नावी केइटा, थियागो अलकान्तरा र भर्जिल भान डाइक टोलीमा हुनेछैन ।

यता, ९ अंक जोडेर १६ स्थानमा रहेको ब्राइटन पनि लिभरपुललाई पराजित गर्दै अंक तालिका मजवुत बनाउन दाँउमा हुनेछ । ड्यानी वेलवेक, निल मोउपे, पास्कल ग्रस, जोएल भेल्टमन, लेविस डन्क र गोलरक्षक म्याथ्यु रायन टोलीसँग रहेका छन् ।

यि दुई टोली हालसम्म ८ पटक प्रतिस्पर्धा गर्दा सबै भेटमा लिभरपुल विजयी भएको छ । लिभरपुल सोही जितको लयलाई निरन्तरता दिने दाँउमा रहँदा ब्राइटन लिभरपुलसँगको हारको यात्रालाई पुर्णविराम लगाउने दाँउमा हुनेछ ।

अन्य खेल
म्यानचेस्टर सिटीविरुद्ध बर्नली (राति ८ः४५ बजे), एभर्टनविरुद्ध लिड्स (राति ११ः१५ बजे, वेस्टब्रुमविरुद्ध सेफिल्ड (राति १ः४५ बजे)