एजेन्सी – यूईएफए च्याम्पियन्स लिग अन्तर्गत समूह एच अन्तर्गत हिजो स्थगित भएको फ्रान्सेली क्लब पेरिस सेन्ट जर्मेन र टर्कीको इस्तानबुल बासाकसेइरको खेल आज हुने भएको छ । खेल नेपाली समयानुसार ११:४० मा सुरु हुनेछ ।

मंगलबार खेलको पहिलो हाफको १५ औं मिनेटमा रेफ्रीले रंगभेदी टिप्पणी गरेको भन्दै खेल रोकिएको थियो । फोर्थ अफिसियलले इस्तानबुलको बेन्चतर्फ इंगित गर्दै मुख्य रेफ्रीलाई कार्ड दिनका लागि संकेत गरेका थिए । त्यसो गर्ने क्रममा उनले रंगभेदी टिप्पणी गरेको आरोप इस्तानबुलका खेलाडीले लगाए ।

रेफ्रीहरुले उक्त आरोपको खण्डन गरिरहँदा दुवै टोलीका खेलाडीले त्यसको विरोध गरे । रेफ्रीहरुले अडान जारि नै राखेपछि दुवै टोलीले मैदान छाडेका थिए । झन्डै १० मिनेट छलफलपछि पनि खेलाडी र रेफ्री पक्षबीच समझदारी हुन नसक्दा दुवै टोलीका खेलाडीहरुले मैदान छाडेका थिए ।

यूईएफएले फोर्थ अफिसियललाई बाहिर राखेर भीएआरमा रहेका रेफ्रीलाई मैदानमा ल्याउने बताएपछि दुवै टोली खेल्न सहमत भएका थिए । पिएसजीका खेलाडी वार्म अपका लागि टनेलमा समेत निस्केका थिए । तर आरोपित फोर्थ अफिसियल भीएआर भ्यानमा गएर जिम्मेवारी वहन गर्ने भनेपछि इस्तानबुलले खेल्न मानेन । पिएसजीले पनि नखेल्नेमा सहमति जनाएको थियो ।

यूईएफएले बुधबार उक्त खेल सोहि अवस्थामा सुरु हुने बताएको छ । दुवै टोलीको माग अनुसार खेल संचालन गर्न नयाँ रेफ्री टोली पुग्नेछन् । खेलको १५ मिनेट सकिँदा दुवै टोलीले गोल गरेका छैनन् । इस्तानबुलका दुई खेलाडीले पहेंलो कार्ड पाएका छन् । दुवै टोलीले हिजोकै टोली उतार्नुपर्नेछ र खेल १५ मिनेटबाट नै सुरु हुनेछ ।

आजको नतिजाले समूहबाट अघि बढ्ने टोलीमा भने असर पर्ने छैन । पिएसजीले नकआउट चरणमा स्थान पक्का गरिसकेको छ । लाइप्जिगसँग हार बेहोरेपछि म्यानचेस्टर युनाइटेड युरोपा लिगमा झरिसकेको छ । पिएसजीले यस खेल जितेमा समूह विजेता बन्नेछ भने अन्य नतिजाले उपविजेता बन्दै अन्तिम १६ मा प्रवेश गर्नेछ ।

Good to see both PSG and Istanbul players walking off the field because of a racist remark…shouldn’t be tolerated pic.twitter.com/mHDTdNpjvx

— WandeJermz (@WJermz) December 8, 2020