3 years ago
December 10, 2020
एजेन्सी – अर्जेन्टिनी फरवार्ड सर्जियो अगुएरोले पुनरागमन गरेको खेलमै गोल गरेपछि इंग्लिस क्लब म्यानचेस्टर सिटीले युइएफए च्याम्पियन्स लिगको समूह चरणको अन्तिम खेलमा फ्रान्सेली क्लब मार्सेमाथि ३–० को सानदार जित निकालेको छ । घरेलु मैदान इतिहाद स्टेडियममा सिटीको जितमा फेरान टोरेस र रहिम स्टर्लिङले गोल गरे । सबै तीन गोल दोस्रो हाफमा नै सम्भव भएको थियो […]
एजेन्सी – अर्जेन्टिनी फरवार्ड सर्जियो अगुएरोले पुनरागमन गरेको खेलमै गोल गरेपछि इंग्लिस क्लब म्यानचेस्टर सिटीले युइएफए च्याम्पियन्स लिगको समूह चरणको अन्तिम खेलमा फ्रान्सेली क्लब मार्सेमाथि ३–० को सानदार जित निकालेको छ ।
घरेलु मैदान इतिहाद स्टेडियममा सिटीको जितमा फेरान टोरेस र रहिम स्टर्लिङले गोल गरे । सबै तीन गोल दोस्रो हाफमा नै सम्भव भएको थियो । खेलको आठौं मिनेटमा नै रियाद महारेजको प्रहारलाई मार्सेका गोलरक्षक स्टिभ मान्डान्डाले विफल पारेका थिए ।
३०औं मिनेटमा डिमिट्री पाएटले गोल गरेपनि उनको गोलले मान्यता नपाउदा मार्से अग्रता लिनबाट चुक्यो । ४३औं मिनेटमा पापे गुआईको प्रहारलाई सिटीका लागि च्याम्पियन्स लिगमा डेब्यु खेल खेलिरहेका गोलरक्षक ज्याक स्टेफेनले सहजै नियन्त्रणमा लिदै मार्सेको अग्रता टारे ।
दोस्रो हाफको शुरुमै घरेलु टोली सिटीले अग्रता लिन सफल भयो । बर्नाडो सिल्भाबाट रियाद महारेजले मिलाइदिएको पासमा फेरान टोरेसले सहजै फिनिस गरेका थिए । ५८औं मिनेटमा फिल फोडेनेले अवसर पाएपनि सदुपयोग गर्न नसक्दा सिटी अग्रता दोब्बर पार्नबाट चुक्यो ।
६६औं मिनेटमा काइल वाल्करको शक्तिशाली प्रहारलाई गोलरक्षक मान्डान्डाले उत्कृष्ट बचाउ गरे । ६७औं मिनेटमा रियाद महारेजको स्थानमा मैदान छिरेका सर्जियो अगुएरोले ७७औं मिनेटमा गोल गर्दै सिटीको अग्रता दोब्बर पारे । उनी चोटका कारण लामो समयपछि मैदान फर्किएका हुन् । ९०औं मिनेटमा रहिम स्टर्लिङले गोल गर्दे सिटीको जित पक्का गरे ।
यही समूह ‘सी’ को अर्काे खेलमा पोर्चुगिज क्लब एफसी पोर्टाेले ग्रीसको ओलम्पियाकोसमाथि २–० को जित निकालेको छ । पोर्टाेको जितमा ओटाभियो र युरिवेले गोल गरे ।
यो नतिजासँगै यो समूहबाट सिटी र पोर्टाे च्याम्पियन्स लिगको नकआउट चरणमा प्रवेश गर्दा ओलम्पियाकोस युरोपा लिगमा झर्दा मार्सेको युरोप भ्रमण अन्त्य भएको छ । सिटीले १६ अंक जोड्यो । पोर्टाेले १३ तथा ओलम्पियाकोस र मार्सेले समान ३ अंक जोडेपनि हेड टु हेडमा ओलम्पियाकोस अघि रह्यो ।
April 28, 2024
एजेन्सी – इंग्लिस प्रिमियर लिगमा लगातार चौथो पटक उपाधि जित्ने लक्ष्यमा रहेको म्यानचेस्टर सिटीले आइतबार जित दर्ता गरेको छ । सिटी ग्राउण्डमा भएको खेलमा म्यानचेस्टर सिटीले नटिङ्घम फरेस्टलाई २–० ले पराजित गर्दै उपाधिको आशा कायमै राखेको हो । सिटीको जितमा डिफेन्डर जोस्को ग्भार्डियोल र दोस्रो हाफमा मैदान प्रवेश गरेका स्ट्राइकर एर्लिङ हालान्डले एक-एक गोल गरे […]
April 28, 2024
हिमाल खरेल, मेचीनगर झापाको बुद्धशान्तिमा जारी तेस्रो आदर्श च्यालेन्ज कपमा पाहुना टोली नर्थ बंगाल एफसी भारतलाई ३–१ ले हराउँदै बिर्तामोड युनाइटेड एफसी सेमिफाइनलमा प्रवेश गरेको छ । बिर्तामोडको जितमा आशिष चापागाईंले ह्याट्रिक पूरा गरे । पहिलो हाफको इन्ज्युरी समयमा गोल गर्दै बिर्तामोडले अग्रता लिएको थियो । मध्यभागबाट बिर्तामोडका डिफेन्डर देवेन्द्र तामाङले गरेको फ्रिकिकलाई हेडमार्फत अभिषेक […]
April 28, 2024
काठमाडौं (हाम्रो खेलकुद) – सहिद स्मारक सि डिभिजन लिगमा आईतवार महावीर क्लब विजयी भएको छ । सातदोबाटो स्थित एन्फा कम्प्लेक्समा भएको दिनको पहिलो खेलमा महावीर क्लबले स्पोर्ट्स एकेडेमी साँगा माथि १-० को जित दर्ता गरेको हो । महावीरका लागि सन्दिप श्रेष्ठले ६७औं मिनेटमा पेनाल्टी मार्फत गरेको गोल नै निर्णायक बन्यो । जित सँगै महावीर क्लब […]