एजेन्सी – इंग्लिस क्लब टोटेनहम हस्टपुर समूह विजेताको रुपमा युरोपा लिगको नकआउट चरणमा पुग्न सफल भएको छ ।

घरेलु मैदानमा भएको बिहीबार राति भएको खेलमा रोयल एन्टवेर्पमाथि २–० को सहज जित निकाल्दै टोटेनहम समूह ‘जे’ को विजेता बनेको हो । हारपछि पनि रोयल एन्टवेर्प समूह पविजेताको रुपमा अघि बढ्न सफल भयो ।

टोटेनहमल १३ तथा एन्वेर्पले १२ अंक जोड्यो । लास्कले १० तथा लुडोगोरेट्स राजग्राड अंकविहीन हुदै समूह चरणबाट बाहिरियो । टोटेनहम हस्टपर स्टेडियममा घरेलु टोलीको जितमा कार्लाेस भिनिसियस र जियोभानी लो सेल्सोले गोल गरे । दुवै गोल दोस्रो हाफमा सम्भव भएको थियो ।

प्रतिस्पर्धात्मक पहिलो हाफ गोलरहित बराबरीमा टुंगिएको थियो । १५औं मिनेटमा ग्यारेथ बेलको लामो पासलाई लुकास मौउराले नियन्त्रणमा लिदै गरेको प्रहारलाई एन्वेर्पका डिफेन्डर जेलिनले विफल पारे ।

३३औं मिनेटमा बेनाभेन्टेको प्रहारलाई सान्चेजले विफल पार्दै कुनै खतरा हुन दिएन । ४४औं मिनेटमा कार्लाेस भिनिसियसको प्रहार एन्टवेर्पको गोलरक्षक बेइराभान्डले बचाए ।

५७औं मिनेटमा कार्लाेस भिनिसियसले गोल गर्दै टोटेनहमलाई अग्रता दिलाए । ग्यारेथ बेलको फ्रिकिक क्रसबारमा लागेर फर्कदा उनले अफसाइड बिट ट्रयाप गर्दै गोल गर्न सफल भएका थिए ।
६८औं मिनेटमा लो सेल्सोको कर्नरमा ह्यारी केनको हेडर पोस्ट नजिकैबाट बाहिरिदा टोटेनहम अग्रता दोब्बर पार्नबाट चुक्यो ।

७१औं मिनेटमा लो सेल्सोले केनको पासमा गोल गर्दै टोटेनहमको अग्रता दोब्बर पारे । त्यसपछि दुवै टोलीबाट गोल निस्कन नसक्दा खेल टोटेनहमले आफ्नो पक्षमा पार्‍यो ।

यही समूहको अर्काे खेलमा लास्कले लुडोगोरेट्स राजग्राडमाथि ३–१ को सहज जित निकालेपनि अघिल्लो चरण प्रवेश गर्न पर्याप्त रहेन ।