एजेन्सी – बालोन डि’ओरको ड्रिम टिममा पर्न सफल भएपनि बार्सिलोनाका सुपर स्टार लिओनल मेस्सीले खुसी व्यक्त गरेका छन् । विश्वभर अन लाइन भोटिङबाट फ्रान्स फुटबलले सार्वजनिक गरेको फुटबल इतिहासका उत्कृष्ट ११ मा मेस्सी पनि पर्न सफल भएका छन् ।

उत्कृष्ट ११ मा मेस्सीसहित लेभ यासिन, काफु, फ्रान्ज बेकनबाउर, पाउलो माल्दिनी, जाभी, लोथार मथाउस, पेले, डिएगो म्याराडोना, क्रिस्टियानो रोनाल्डो र रोनाल्डो नाजारियो छन् । विश्वको नम्बर एक गोलकिपरमा रसियाका महान खेलाडी लेभ यासिन परेका छन् । सोभियत युनियनबाट सन् १९५४ देखि १९७० सम्म खेल्ने क्रममा यासिनले ७४ खेल खेलेका थिए ।

त्यस्तै रक्षापक्तिका उत्कृष्ट ३ मा जर्मनका फ्रान्ज बेकनबाउर, ब्राजिलियन फुलब्याक काफु र इटालियन महान पाब्लो माल्दिनी रहेका छन् । बार्सिलोनाका महान जाभि हर्नान्डेज इतिहासकै सर्वाधिक सफल डिफेन्सिभ मिडफिल्डर चुनिएका छन् । स्पेनिस जाभीले विश्व कप, युरोपियन च्याम्पियनसिप जितेका थिए । त्यस्तै बार्सिलोनाका लागि ४ च्याम्पियन्स लिगसहित थुप्रै उपाधि जाभीले जितेका थिए ।

जाभीसँग डिफेन्सिभ मिडफिल्डमा लोथर मथाउस छन् । एट्याकिङ मिडफिल्डमा दुई महान अर्जेन्टिनाका डिएगो म्याराडोना र ब्राजिलियन पेले रहेका छन् । म्याराथोनाले लगभग एकल प्रयासमा १९८६ मा अर्जेन्टिनालाई विश्व कप उपाधि दिलाएका थिए । पेलेको सहभागितामा ब्राजिलले १९५८,१९६२ र १९७० मा विश्व कप जितेको थियो ।

अग्रपंक्तिमा इतिहासकै सर्वाधिक रुचाइएका फरवार्डमा ब्राजिलका महान रोनाल्डो नाजिरियो छन् । युवा पुस्तामा लोकप्रिय रोनाल्डोले घुँडाको चोटका कारण खेल छाड्नु परेको थियो । उनको उच्च प्रदर्शनबाट प्रेरित ब्राजिलले २००२ र १९९४ मा विश्व कप जितेको थियो ।

रोनाल्डोसँग फरवार्ड लाइनमा लिओनल मेस्सी र क्रिस्टियानो रोनाल्डो रहेका छन् । मेस्सीले ६ पटक बालोन डि ओ, ६ पटक गोल्डेन बुट, ४ पटक च्याम्पियन्स लिग उपाधि जितेका छन् । उनले बार्सिलोनाको इतिहासलाई नै परिवर्तन गरिदिएको मानिन्छ ।

त्यस्तो पोर्चुगिज रोनाल्डोले पाँच पटक बालोन डि ओर, पाँच पटक च्याम्पियन्स लिग उपाधि जितेका थिए । उनले रियल म्याड्रिडबाट लगातार तीन पटक च्याम्पियन्स लिग जितेका थिए ।

‘मेरा लागि बालोन डिओसको ड्रिम टिममा पर्न गर्वको विषय हो,’ मेस्सीले इन्स्टाग्राममा लेखेका छन्, ‘मलाई छनोट गर्ने सबैलाई धन्यवाद दिन चाहन्छु । त्यस्तै टोलीमा पर्ने सबै खेलाडीलाई बधाई दिन्छु । त्यस्तै मनोनयमा पर्नेलाई पनि बधाई छ । सुचीमा केहि साच्चै महान खेलाडी समावेश छन् ।’

रोनाल्डोले पनि सामाजिक संजालमार्फत ड्रिम टिममा पर्नु गौरवको कुरा रहेको बताए । ‘ म फ्रान्स फुटबलले जारि गरेको ड्रिम टिमको हिस्स बन्न पाउँदा गौरवान्वित छु । ड्रिम टिम साच्चै उत्कृष्ट छ । सबै खेलाडी सम्मान र प्रशंसाको हकदार छन् । म आफू पनि यसको पाटो बन्न पाउँदा गौरव महसुस गरिरहेको छु । धन्यवाद ।’

I’m very honoured to be part of France Football’s All Time 11. What an amazing Dream Team… They all deserve my respect and admiration and I’m obviously proud to be amongst such extraordinary players. Thank you! pic.twitter.com/VHpuSdw89P

— Cristiano Ronaldo (@Cristiano) December 14, 2020