एजेन्सी – व्यवसायिक फुटबलमा ब्राजिलियन महान फुटबल खेलाडी पेलेको कीर्तिमान भंग गर्न बार्सिलोनाका कप्तान लिओनल मेस्सी १ गोलले टाढा छन् ।

ला लिगामा भ्यालेसियाविरुद्ध २–२ को बराबरीमा टुंगिएको खेलमा १ गोल गर्दै मेस्सीले पेलेको कीर्तिमानसँग बराबरी गरेका थिए । पेले र मेस्सीले एउटा क्लबमा खेलेर त्यो कीर्तिमान बनाएका हुन् ।

बार्सिलोनाका लागि मेस्सीले प्राप्त गरेको त्यो सफलताका लागि पेलेले बधाई दिएका छन् । ‘जब तिम्रो मुटु प्रेमले ओतप्रोत हुन्छ । मार्ग परिवर्तन गर्न गाह्रो हुन्छ, ‘ पेलेले इन्स्टाग्राममा लेखेका छन् । गोलको खुसीमा ओस्मान डेम्बेलेले मेस्सीलाई बोकेको तस्बिर पेलेले सार्वजनिक गरेको थिए । जुन पेलेको पुरानो फोटोसँग मिल्दो जुल्दो छ ।

‘तिमीलाई जस्तै मलाई पनि थाहा छ उनी टिसर्ट हरेक दिन लगाउन कति मनपर्दछ ,’ पेलेले लेखेका छन्,’ मलाई यो पनि थाहा छ आफुले घर जस्तो महसुस गरेको ठाँउ भन्दा राम्रो अरु केहि हुँदैन ।’

पेलेले कीर्तिमानका लागि मेस्सीलाई बधाई दिएका छन् । उनले बार्सिलोनामा उनको खेल जीवनको पनि तारिफ गरेका छन् । ‘यति लामो समय एउटै क्लबलाई माया गर्नु हाम्रो उस्तै कथा छ । दुर्भाग्य अहिले फुटबलमा यस्तो कमै देखिन्छ,’ पेले अगाडि भनेका छन्, ‘म तिम्रो धेरै प्रशंसा गर्छु । लिओनल ।’

पेले र मेस्सले ६ सय ४३ गोल गरेका छन् । पहिलो हाफको इन्ज्युरी समयमा ३३ वर्षीय मेस्सीले हेडमार्फत गोल गर्दै पेलेको कीर्तिमान बराबरी गरेका हुन् । उनले बार्सिलोनाको लागि ७ सय ४८ खेलमा मेस्सीको कीर्तिमानलाई भेट्टाए ।

मेस्सीले सन् २००५ मा अल्बासेटेविरुद्ध बार्सिलोनाका लागि पहिलो गोल गरेका थिए । ८० वर्षे पेलेले १९५६ देखि १९७४ सम्म १९ सिजन ब्राजिलियन क्लब सान्तोषबाट खेल्दै ६ सय ५६ खेलमा ६ सय ४३ गोल गरेका थिए ।