पोखरा (हाम्रो खेलकुद) – पोखरामा गत वर्ष आयोजना भएको १८ औं संस्करणको आहा रारा गोल्ड कप बाट झन्डै १९ लाख रुपैयाँ बचत भएको आयोजक साहारा क्लबे जनाएको छ ।

पोखरा रंगशालामा गत फागुन २१ देखि चैत १ गतेसम्म आयोजना भएको आहा रारामा ८८ लाख १० हजार ३ सय ६६ रुपैया आम्दानी भएको बुधबार पत्रकार सम्मेलनमार्फत जानकारी गरायो । त्यसमा खर्च कटाएर १८ लाख ९७ हजार ६ सय ५७ रुपैया बचत भएको बताएको छ ।

क्लबले कुल ६९ लाख १२ हजार ७ सय ९ रुपैया खर्च भएको जानकारी गराएको छ । प्रतियोगिताको टिकटबाट मात्र २८ लाख ७ हजार ४ सय ७० रुपैया संकलन भएको प्रतियोगिताका आर्थिक संयोजक सुनिल गुरुङले बताए ।

त्यस्तै गरी व्यानर तथा आर्थिक सहयोगबाट १६ लाख ६८ हजार ७ सय ७२, सिजनल टिकटबाट ३६ हजार, बैंक व्याज आम्दनीबाट ४२ जहार १ सय ४५ रुपैया आम्दानी भएको गुरुङले जानकारी दिए ।

प्रतियोगिताको मुख्य प्रायोजक आहा तथा रारा तयारी चाउचाउबाट १२ लाख ५१ हजार, गण्डकी प्रदेश सरकारबाट १० लाख, हिमांश एजुकेशन कन्सेल्टेनसीबाट ४ लाख, राखेपबाट ३ लाख ४७ हजार ५ सय २९, गोर्खा ब्रअरीबाट ३ लाख ५० हजार, सहारा क्लव हङकङबाट २ लाख ७ हजार ४ सय ५० रुपैया लगायतका संघ संस्थाबाट सहयोग प्राप्त भएको क्लबले जनाएको छ ।

त्यसमा खेलाडी दैनिक भ्रमण खर्च वापत २५ लाख ७ हजार १ सय ६८, प्रोत्साहन खर्च १६ लाख १२ हजार, प्रतियोगिता संचालन तथा व्यबस्थापन खर्च ६ लाख ८२ हजार ७ सय ५०, व्यानर कपडा एवं लेखाई खर्च २ लाख ३० हजार खर्च भएको बताएको छ ।

त्यस्तै खेल मैदानको लागि जिल्ला खेलकुद विकास समितिलाई ४ लाख, रेफ्रि खर्च १ लाख ९४ हजार, रेफ्रि यातयात खर्च १ लाख २८ हजार ३ सय ९५ लगायतका शिर्षकमा खर्च भएको क्लबका कोषाध्यक्ष राजु लालचनले जानकारी दिए ।

प्रतियोगिताबाट बचत भएको रकम सहारा क्लबले सञ्चालन गर्दै आएको सहारा एकेडेमीमा रहेका वालवालिकाहरुको लागि खर्च गर्दै आएको क्लबका अध्यक्ष केशव बहादुर थापाले बताए । कोरोनाको कारणले गर्दा अझै पनि केही रकम संकलन हुन बाँकी रहेको जसले गर्दा यस बर्ष आय व्यय ढिलो सार्वजनिक गरिएको क्लबले जनाएको छ ।

नेपाल पुलिस क्लवलाई फाइनलमा पराजित गर्दै नेपाल आयल निगम मनाङ मस्र्याङदी क्लवले आहा रारा गोल्ड कपको उपाधि सहित १० लाख एक हजार रुपैयाँ प्राप्त गरेको थियो । प्रतियोगितामा भारतको एक क्ल्बसहित १० टोलीको सहभागिता थियो ।