काठमाडौँ (हाम्रो खेलकुद) – हिमालयन शेर्पा क्लबका अध्यक्ष एवं एन्फाका उपाध्यक्ष कर्मा छिरिङ्ग शेर्पाले आगामी कार्तिक ८ गते हुने एन्फाको निर्वाचनका लागि उम्मेदवारी दर्ता गराएका छन्।
आज दिउसो अखिल नेपाल फुटबल संघको केन्द्रीय कार्यालय सातदोबाटोमा शेर्पाले उम्मेदवारी दर्ता गरेका हुन्। शेर्पासंगै उपाध्यक्ष पदको लागि दिपक खातीले उम्मेदवारी दर्ता गरेका छन्। दुवै उम्मेदवारले आफु जित्नेमा विश्वोस्त रहेको र कार्तिक ८ले नेपाली फुटबलको नयाँ दिनको सुरुवात गर्ने बताए।
उम्मेदवारी दिने आज अन्तिम दिनसम्म अध्यक्ष पदको लागि दुइ र उपाध्यक्ष पदको लागि तिन जनाको उम्मेदवारी परेको छ। अध्यक्षमा कार्यवाहक अध्यक्ष नरेन्द्र श्रेष्ठ र कर्मा छिरिङ्ग शेर्पाले उम्मेदवारी दिएका छन् भने उपाध्यक्षमा उपेन्द्र मान् सिंह, मणि कुँवर र दिपक खति भिड्दैछन्।
