काठमाडौँ (हाम्रो खेलकुद) – एरिक बिष्टले खेलको अन्तिम समयमा फ्रिकिक छिराएपछि बाँसबारी क्लबले न्यु रोड टिम (एन आर टि)लाइ ३-२ले हराएको छ।
खेलमा विवेक गुरुङको दोश्रो मिनेटको गोलले अग्रता लिएको बाँसबारीले हाफ सकिनु अघि पछाडी परेको थियो। सुशील लामाले ३७औं र बिरेन्द्र थापाले ३८औं मिनेटमा गोल गरेपछि एन आर टि अघि बढेको थियो। तर, बाँसबारीले खेलको ८८औं मिनेटमा सिखरको गोलको मद्दतले खेल बराबरीमा ल्यायो। राजकुमार घिसिङ्गले खेलको अन्तिम समयमा बक्स अगाडी फल हानेपछि पाएको फ्रिकिकमा एरिकले गोल गरेका थिए। घिसिङ्ग दोहोरो पहेंलो कार्ड पाउँदै खेलबाट निष्काशित पनि हुन पुगे।
दिनको अर्को खेलमा सामाजिक र श्री कुमारीले १-१को बराबरी खेले। खेलको ७८औं मिनेटमा भुवन बस्नेतको गोलले अग्रता लिएको सामाजिकले अन्तिम समयमा प्रज्वोल थापा मगरले उत्कृष्ट गोल फर्काएपछि बराबरीमा चित्त बुझाउनु परेको थियो।
दिनको तेश्रो खेलमा भने रानीपोखरी कर्नर टिम (आरसिटी)ले डिभाइन ब्वाइज युनियन क्लबलाई ३-०ले पराजित गर्यो। आरसिटीका लागि बिके तामाङ्गले दुइ र शेखर लिम्बुले एक गोल गरे।
