एजेन्सी– स्पेनिस सुपर कपको फाइनलमा पराजित भएपछि बार्सिलोनाका प्रशिक्षक रोनाल्ड कोम्यानले रेफ्रीका बारेमा प्रतिक्रिया दिन इच्छा देखाएनन् ।

आइतबार थप समयमा गएको खेलमा बार्सिलोनालाई ३–२ ले हराउँदै एथलेटिको बिल्बाओले उपाधि जितेको थियो । अन्तिम समयमा बिल्बाओका एसियर भिल्लालिब्रीलाई धक्का दिदै लडाएपछि बार्सिलोनाका सुपर स्टार लिओनल मेस्सीले रातो कार्डको सामना गर्दै मैदान छाड्नु परेको थियो ।

त्यो घटनाका विषयमा सोध्दा कोम्यानले भने,‘ मैले बोलिन भने त्यहि उत्तम हुन्छ । पुराना कुरा दोहोर्याए जस्तो मात्रै हुनेछ । म त्यो गर्न चाहन्न । म आफ्नो धारणा राख्नेमा छैन ।’

कोम्यानले मेस्सीले रातो कार्ड पाउने गरि के गरे आफूले बुझ्न सक्ने बताए । तर, उनले अन्य विषयपनि उठाए । ‘उनीविरुद्ध कति फाउल भए । उनी ड्रिबल गर्ने कोसिस गर्थे तर सक्दैनथे । मैले त्यो घटनालाई राम्ररी हेर्नुपर्ने हुन्छ ।’

फाइनल अघि मेस्सी खेल्ने नखेल्ने विषयमा शंका थियो । चोटका कारण उनले सेमिफाइनल पनि गुमाएका थिए । ‘वर्षौंको अनुवभबाट उनलाई थाहा छ कति बेला खेल्ने र नखेल्ने भन्ने,’ मेस्सीलाई पहिलो रोजाईमा खेलाएका विषयमा बचाउ गर्दै उनले भने,‘ उनले नै आफू खेल्ने निर्णय गरेको हुन् ।’

नियमित समयको अन्तिममा फ्रिकिकबाट आएको बलमा बिल्बाओले बराबरी गोल फर्काएपछि बार्सिलोनाको प्रदर्शन कमजोर भएको थियो । त्यहि बराबरीले खेल थप समयमा गएको थियो भने जहाँ बिल्बाओले आफ्नो पक्षमा नतिजा निकालेको थियो ।

‘विपक्षीको क्षमता त्यसमै देखिएको । कसरी फाउल गराउने र सेट पिसमा गोल गर्ने सम्भावन बढाउने’, उनले थपे,‘ हामीसँग अग्ला खेलाडी छैनन् । त्यसैले फाउलको सम्भावना बढी रहन्छ ।’ खेल अघि कोम्यानले उपाधि जित्न सके टोलीको विकासका लागि त्यो सकारात्मक एक कदम हुने बताएका थिए । फाइनल पछि तर त्यसले पछाडि पनि नलगेको बताएका थिए ।

‘उपाधि जित्न सक्यो भने त्यसले टोली सहि बाटोमा छ भन्ने हुन्छ,’ उनले भने,‘ हामी त्यहि देखाउन चाहन्थ्यौं । हामीले जित्नका लागि सबै प्रयास गरेका पनि हौं । दुवै टोली निकै थकित भएका थिए ।