एजेन्सी – ला लिगामा रियल म्याड्रिडको उपाधि दौडमा गम्भिर धक्का लागेको छ । इडर मिलेटोले खेलुको सुरुवातमै रातो कार्ड पाएपछि १० खेलाडीमा सिमित रियल शनिबार लेभान्टेसँग २–१ ले स्तब्ध भएको छ ।

खेल १० औं मिनेटमा पनि पुगेको थिएन ब्राजिलियन रक्षकले रातो कार्डको सामना गर्नुपरेको थियो । सर्जियो लियोनलाई पछाडिबाट ट्याकल गरेपछि सुरुमा पहेलो कार्ड मात्र पाएका मिलेटोलाई रेफ्रीले भिएआरको रिभ्यूपछि रेफ्रीले सिधा रातो कार्ड देखाएका थिए ।

१० खेलाडीमा सिमित भएपछि मार्को एसेन्स्यिाले गोल गर्दै रियललाई अग्रता लिदाएका थिए । पछि जोसे लुइस मोरालेसले गोल गरेपछि पहिलो हाफ १–१ को बराबरीमा टुंगिएको थियो । दोस्रो हाफमा रोजर मार्टीले गोल गरेपछि भ्रमणकारी टोलीले जित हासिल गरेको थियो ।

रियल शीर्षस्थानको एट्लेटिको म्याड्रिड भन्दा ७ अंकले पछि छ । रियलको भन्दा एट्लेटिकोले २ खेल कम खेलेको छ । कोभिडका कारण प्रशिक्षक जिनेदिन जिदान टोलीका साथमा छैनन् । उनको सट्टा डेभिड बेटोलीले कार्यवहाक प्रशिक्षकको भूमिका निर्वाह गरेका थिए ।

टोनी क्रुसको पासमा एसेन्सियोले १३ औं मिनेटमा गोल गरेका थिए । मोरेलेसले ३२ औं मिनेटमा गोल फर्काएका थिए । लेभान्टेले ६४ औं मिनेटमा गोलन्तरलाई दोब्बर पार्ने अवसर पाएको थियो । रोजरको पेनाल्टीलाई रियलका गोलकिपर थिवाओट कोर्टुवाले रोके ।

तर, खेल सकिन १२ मिनेट बाँकी रहँदा रोजरले गोल गर्दै लेभान्टेको जित निश्चित पारे । २० खेलमा रियलको ४० अंक छ । लेभान्टे २६ अंकका साथ नवौं स्थानमा उक्लेको छ । शीर्षस्थानको एट्लेटिको ४७ अंक छ ।