एजेन्सी – रियल म्याड्रिडका फरवार्ड इडन हाजार्डलाई फेरि चोट लागेको छ । त्यस कारण टोलीका प्रशिक्षक जिनेदिन जिदानले उनलाई चोटमुक्त हुन प्रक्रियामा सघाउन पुर्याउनका लागि आराम गर्न दिने भएका छन् ।

रियल पुगेयता हाजार्ड नौ पटक घाइते भइसकेको छन् । जसले गर्दा हाजार्डले अपेक्षा अनुसार प्रदर्शन गर्न सकेका छैन । त्यसले उनीमाथि मनोवैज्ञानिक दबाब परेको अनुमान गरिएको छ । यद्दपी क्लबले उनीबाट अझै पनि उच्च प्रदर्शनको अपेक्षा गरेको छ ।

जिदान सधै हाजार्डको प्रशंसक रहँदै आएका छन् । हाजार्ड चेल्सीमा हुँदा पनि जिदान रियलका अध्यक्ष फ्लोरेन्टिनो पेरेजको सल्लाहकार थिए । त्यति बेला देखिनै जिदानले हाजार्डलाई क्लबमा भित्राउन सल्लाह दिएका थिए ।

हाजार्डको पछिल्लो चोटलाई मध्यनजर गर्दै जिदानले नयाँ तरिका मानसिक रुपमा तयार पार्ने प्रक्रिया अघि बढाएका छन् । ३० वर्षे फरवार्डलाई चोटको समयमा परिवारसँग समय बताउन दिने बताइएको छ ।

बेल्जियन अन्तर्राष्ट्रिय खेलाडी चार देखि छ साता ठीक हुनका लागि समय लाग्ने अनुमान गरिएको छ । यसैबीच, जिदानले सञ्चारमाध्यमबाट उनलाई अलग राखेर फिट गराउने योजना बनाएका छन् ।

हाजार्डको अनुपस्थितिमा भिनिसियस जुनियरले त्यो ठाँउ लिनेछन् । हाजार्ड पूर्ण रुपमा फिट भएको खण्डमा उनी मैदानमा आफ्नो क्षमता प्रदर्शन गर्न सक्षम हुनेमा फ्रान्सेली प्रशिक्षक जिदान विश्वस्त छन् ।