दुहबी (हाम्रो खेलकुद)– वडा नं ७ सुनसरीको दुहबीमा जारी तेस्रो मेयर कप फुटबल प्रतियोगिताको सेमिफाइनल प्रवेश गरेको छ । वडा नं १ लाई शुक्रबार ६–१ ले हराउँदै वडा नं ७ अन्तिम चारमा पुगेको हो ।

वडा नं ७ लार्य जित दिलाउन दीलिप चौधरीले २ तथा, रामकुमार पासवा, अनिल चौधरी, सेवन ऋषिदेवले समान १ गोल गरे । एक गोल आत्मघाती उपहार पाएको थियो । दोस्रो मिनेटमा रामकुमारको गोलबाट वडा नं ७ को अग्रता लिएको थियो । हमिदुल्लाको आत्मघाती गोलमा गोलअन्तर दोब्बर भएको थियो ।

अनिलले २१ औं मिनेटमा गोल थपे । दीलिपले २५ औं र ४८ औं मिनेमा गोल गर्दा ५–१ को अग्रता बनाएको थियो । सेवनले ५६ औं मिनेटमा गोल गर्दै अन्तरलाई बढाएका थिए । प्रेम पासवानले इन्जुरी समयको पहिलो मिनेटमा वडा नं १ का लागि गोल गरेका थिए ।

विजेता टोलीका सेवन ऋषिदेव खेलको म्यान अफ दी म्याच घोषित भएका छन् । उनलाई दुहबी नगरपालिका वडा नं १ का अध्यक्ष अजुल हुसेनले मेडलसहित २ हजार रुपैयाँ हस्तान्तरण गरे । प्रतियोगितामा शनिबार वडा नं ४ र ९ ले चौथो क्वार्टरफाइनलमा प्रतिस्पर्धा गर्नेछन् ।

दुहबी नगरपालिकाको आयोजना तथा दुहबीको एलेभन एरोज क्लबले संयोजन गर्ने प्रतियोगिताको विजेताले उपाधिसहित १ लाख १ हजार १ सय र दोस्रो हुने टोलीले ५१ हजार १ सय ११ रुपैयाँ प्राप्त गर्नेछ ।

त्यस्तै प्रतियोगिताका सर्वोत्कृष्ट खेलाडीले ७ हजार, सर्वाधिक गोलकर्ताले ६ हजार र विधागत उत्कृष्ट गोलकिपर, डिफेन्डर, मिडफिल्डर र फरवार्डले समान ५ हजार रुपैयाँ प्राप्त गर्नेछन् ।