काठमाडौं (हाम्रो खेलकुद) – वालिङ नगरपालिका स्याङ्जाले राष्ट्रिय महिला लिगमा विभागीय नेपाल पुलिस क्लबलाई पराजित गरेको छ ।

एन्फा कम्प्लेक्सको मैदानमा आइतबार भएको खेलमा वालिङले पुलिसलाई १–० ले स्तब्ध पारेको हो । वालिङको जितमा क्यामरुनी खेलाडी मेथो एलुड रुथले दोस्रो हाफमा गरेको गोल नै निर्णायक बन्यो ।

यसअघि पहिलो राउन्डमा यि दुई टोलीले १–१ गोलको बराबरी खेलेका थिए । पुलिसको यो लगातार दोस्रो हार हो । यसअघि पुलिस बिराटनगरसँग १–० ले स्तब्ध बनेको थियो ।

प्रतिस्पर्धात्मक खेलको ४१औं मिनेटमा मेथो एलुड रुथको पेनाल्टी बक्सबाहिरको प्रहार पोस्ट नजिकैबाट बाहिरिदा वालिङ अग्रता लिनबाट चुक्यो । लगत्तै काउन्टर अट्याकमा अवसर पाएपनि सदुपयोग हुन नसक्दा पुलिसले अग्रता लिन सकेन । ५१औं मिनेटमा टुटा नोइल्लीको प्रहार क्रसबारमा लागेर फर्कदा वालिङ अग्रता लिनबाट चुक्यो ।

५८औं मिनेटमा मेथो एलुड रुथले गोल गर्दै वालिङलाई १–० को अग्रता दिलाइन् । ६६औं मिनेटमा मेथो एलुड रुथको रक्षक पुजा रानालाई बिट गर्दै गरेको प्रहारलाई पुलिसकी गोलरक्षक सपना राईले उत्कृष्ट बचाउ गर्दा वालिङ अग्रता दोब्बर पार्नबाट चुक्यो ।

७९औं मिनेटमा निर्मला बिकले वान भर्सेस वानको अवस्थामा प्रहार गर्न ढिला गर्दा वालिङकी गोलरक्षक सावित्री किसानले बचाउने प्रयास गरेपनि नियन्त्रणमा लिन नसकेको बललाई
यो जितसँगै वालिङ ७ खेलबाट ११ अंक जोडेर तेस्रो स्थानमा उक्लिएको छ । पराजित पुलिस ७ खेलबाट ८ अंक जोडेर पाँचौ स्थानमा झरेको छ ।

लिगमा सोमबार शीर्षस्थानमा रहेको एपिएफ र पुछारमा रहेको चौदन्डीगढी नगरपालिका उदयपुरबीच दिउँसो २ बजे प्रतिस्पर्धा हुनेछ ।