दुहबी (हाम्रो खेलकुद)– वडा नं ७ सुनसरीको दुहबीमा जारी तेस्रो मेयर कप फुटबल प्रतियोगिताको फाइनलमा प्रवेश गरेको छ । वडा नं ६ लाई शनिबार ४–२ ले हराउँदै वडा नं ७ मेयर कपको उपाधिनजिक पुगेकोहो ।

दुहवीमा आइतबार भएको खेलमा वडा नम्वर ७ को जितमा दिलिप चौधरी र धन कुमार खाले समान दुई गोल गरे । वडा नम्वर ६ का जितेन्द्र चौधरीले एक गोल फर्काए । खेलको ११औं मिनेटमा दिलिप चौधरीको पेनाल्टी गोलबाट वडा नम्वर ७ ले अग्रता लिएको थियो ।

३४औं मिनेटमा धन कुमार खाले गोल गर्दै वडा नम्वर ७ को अग्रता दोब्बर पारे । ५६औं मिनेटमा जितेन्द्र चौधरीले पेनाल्टीमार्फत गोल गर्दै खेललाई २–१ को अवस्थामा ल्याए । ६२औं मिनेटमा दिलिप चौधरीले गोल गर्दै वडा नम्वर ७ लाई ३–१ ले अघि बढाए ।

८०औं मिनेटमा धन कुमार खाले गोल गर्दै वडा नम्वर ७ लाई ४–१ को जित दिलाउदै फाइनलमा पु¥याए । विजयी टोलीका धन कुमार खा खेलको म्यान अफ दि म्याच घोषित भए । उनलाई दुहवी नगरपालिका सुनसरीका प्रशासकीय अधिकृत विनोद नेउपानेले २ हजार रुपैयाँ सहित मेडल हस्तान्तरण गरे ।

प्रतियोगितामा सोमबार वडा नं ४ र १० बीच दोस्रो सेमिफाइनल खेल हुनेछ । दुहबी नगरपालिकाको आयोजना तथा दुहबीको एलेभन एरोज क्लबले संयोजन गर्ने प्रतियोगिताको विजेताले उपाधिसहित १ लाख १ हजार १ सय र दोस्रो हुने टोलीले ५१ हजार १ सय ११ रुपैयाँ प्राप्त गर्नेछ ।

त्यस्तै प्रतियोगिताका सर्वोत्कृष्ट खेलाडीले ७ हजार, सर्वाधिक गोलकर्ताले ६ हजार र विधागत उत्कृष्ट गोलकिपर, डिफेन्डर, मिडफिल्डर र फरवार्डले समान ५ हजार रुपैयाँ प्राप्त गर्नेछन् ।