एजेन्सी – बार्सिलोनाका प्रशिक्षक रोनाल्ड कोम्यानले काडिजविरुद्धको खेलमा पनि त्यसअघिकै टोलीलाई निरन्तरता दिने भएका छन् ।

पेरिस सेन्ट जर्मेन (पिएसजी) विरुद्ध च्याम्पियन्स लिगमा खेलेकै टोलीलाई कोम्यानले आइतबार ला लिगामा निरन्तरता दिने भएका छन् ।

चोटका कारण रोनाल्ड अराजु, अन्सु फाती, फिलिप्पे काउटिनो र सर्जियो रोर्बेटोका साथ टोलीमा हुने छैनन् । त्यसै कारण कोम्यानले बी टोलीका इलिक्स मारिबा, कोनरा डि ला फुन्ट र एलेक्स कालाडोलाई टोलीमा समेटका थिए ।

अंक तालिकाको तेस्रो स्थानमा रहेको बार्सिलोनाका लागि कार्डिजविरुद्धको खेल शीर्ष दुईमा रहेका टोलीसँग अंक दुरी घटाउने अवसर हुनेछ । शीर्षस्थानको एट्लेटिको म्याड्रिड शनिबारको खेलमा पराजित भएको थियो ।

रियलले भने जित निकालेको थियो । २३ खेल खेलेको एथलेटिकको ५५ र २४ खेलमा रियलको ५२ अंक छ । २२ खेलमा बार्सिलोनको ४६ अंक छ ।

काडिजविरुद्ध बार्सिलोना टोली

गोलकिपर – मार्क आन्द्रे टेर स्टेगन, नेटो, इन्की पेना

डिफेन्डर – सेर्जिनो डेस्ट, जेरार्ड पिके, क्लिमेन्ट लेङलेट, जोर्डी अल्बा, सामुयल उम्टिटी, जुनियर फिर्पो, ओस्कार मिन्गुइजा

मिडफिल्ड – सर्जियो बुस्केट्स, मिरालिम प्यानिच, रिक्वी पुज, पेड्री, म्याथुन फर्नान्डेज, फ्रेन्की डि जोङ

फरवार्ड – एन्टोइनी ग्रिजमन, मार्टिन ब्रेथह्वाइट, लियओन मेस्सी, ओसमाने डेम्बेले, फ्रान्सिको ट्रिनकाउ