एजेन्सी – रियल म्याड्रिडका केहि खेलाडी समूहगत अभ्यासमा फर्केका छन् । यसरी शनिबारको अभ्यासमा फर्कनेमा रोड्रिगो गोएस, फेडे भाल्भार्डे, मार्सेलो र अल्भारो ओड्रीओजोला छन् ।

प्रशिक्षक जिनेदिन जिदानले आइतबार प्रशिक्षणपछि सबैको अवस्था बारेमा थप जानकारी लिएपछि निर्णय लिनेछन् । रियल सोसिडाडविरुद्ध सोमबार हुने खेलअघि जिदानले चोट ठीक हुने क्रममा रहेको खेलाडीको अवस्था बुझेका हुन् ।

रोड्रिगो डिसेम्बर २३ मा मांशपेशीको चोटका कारण मैदान बाहिर रहँदै आएका छन् । ब्राजिलियन युवा जिदानका महत्वपूर्ण खेलाडी हुन् । एइबारविरुद्ध गोल गरेका उनले यो सिजन ६ एसिस्ट गरे ।

इडन हाजार्ड, करिम बेन्जेमाले पनि शनिबार अभ्यास गरेका छन् । तर उनीहरुले भने समूहसँग अभ्यास गरेका होइनन् । फ्रान्सेली फरवार्ड अर्को साता हुने एट्लेटिको म्याड्रिडसँगको खेलमा फर्कने अपेक्षा गरिएको छ । तर, हाजार्डले भने मैदान फर्कनका लागि अझै केहि समय कुर्नुपर्ने देखिएको छ ।

भाल्भार्डे पनि पूनरागमनको नजिक रहेको बताइएको छ । जनवरी ९ मा ओसासुनाविरुद्धको खेलका क्रममा उनीको माशंपेशीमा समस्या भएको थियो । त्यसयता उनले लिगका ६ खेल र एट्लान्टाविरुद्धको च्याम्पियन्स लिग खेल गुमाएका थिए । म्याड्रिड डर्बीमा उनले पूनरामगन गर्ने सम्भावना रहेको छ ।

इडर मलिटोले पनि बेन्जेमा र हाजार्ड जस्तै अभ्यास गरेका छन् । त्यसको अर्थ उनी पनि फर्कन केहि सयम लाग्ने देखिएको छ । चोटग्रस्त डानी कार्भजाल र सर्जियो रामोसले भने जितमा अभ्यास गरेका थिए ।