काठमाडौं (हाम्रो खेलकुद) – नेपाली सेनाले सेना दिवस २०७७ को अवसर पारेर अखिल नेपाल फुटबल संघ (एन्फा) का अध्यक्ष कर्माछिरिङ शेर्पालाई ‘प्रधानसेनापति प्रसंशा पदक’ बाट सम्मानित गरेको छ ।

नेपाली सेनाले नेपाल फुटबल बिकास र विस्तारमामा पु¥याएको योगदानको कदर गर्दै एन्फा अध्यक्ष शेर्पालाई प्रधानसेनापति प्रसंशा पदक’ बाट सम्मानित गरेको हो ।

नेपाली सेनाले यसवर्ष नै त्रिभुवन आर्मी फुटबल क्लब दर्ता गर्दै एन्फाको पहलमा एसियाली फुटबल महासंघ (एएफसी) बाट एएफसी क्लब लाइसेन्स प्राप्त गरेको थियो । एएफसी क्लब लाइसेन्स प्राप्त गर्ने आर्मी पहिलो नेपाली क्लब हो ।

अब आर्मीले एएफसीले सञ्चालन गर्ने क्लब स्तरिय प्रतियोगितामा देशको प्रतिधित्वि गर्न पाउनेछ । एएफसीको क्लब लाइसेन्सिङ अपिल समितिको गत पुस ७ गते बसेको बैठकले आर्मीलाई लाइसेन्स दिने निर्णय गरेको थियो ।

आर्मीले यसअघि गरेको प्रयासमा केहि प्रक्रिया कमी हुँदा लाइसेन्स पाउनबाट बन्चित भएको थियो । आर्मीले क्लबको विधान र अन्य आवश्यक मापदण्ड पूरा त्रिभुवन आर्मी फुटबलको बेग्लै क्लब दर्ता थियो । यससँगै आर्मीले खेलाडी विमा, स्वास्थ्य परिक्षण लगायत एकेडेमी निर्माणको प्रक्रिया समेत अघि बढाएको छ ।

घरेलु मैदानका रुपमा आर्मीसँग मुख्यालय भद्रकालीमा सुविधा सम्पन्न मैदान रहेको छ । एएफसीका प्रतियोगिता खेल्न चाहिने क्लब लाइसेन्स प्राप्त गर्न एएफसीले विभिन्न १८ मापदण्ड तोकेको थियो ।