एजेन्सी – इंग्लिस प्रिमियर लिगको शीर्षस्थानमा रहेको म्यानचेस्टर सिटीले फुलहममाथि ३–० को सहज जित निकाल्दै उपाधि सम्भावनालाई थप पकड बनाएको छ ।

फुलहमको मैदानमा शनिबार रासत भएको खेलमा सिटीको जितमा जोन स्टोन्स, गाब्रियल जेसस र सर्जियो अगुइरोले गोल गरे । सबै तीन गोल दोस्रो हाफमा १३ मिनेटको अन्तरमा भएको थियो । घरेलु टोली फुलहमले बलियो सिटीलाई पहिलो हाफसम्म गोलरहित बराबरीमा रोकेपनि दोस्रो हाफमा रोक्न सकेन ।

४७औं मिनेटमा जोओ क्यान्सिलोको पासमा जान स्टोन्सले गोल गर्दै सिटीलाई १–० को अग्रता दिलाए । ५६औं मिनेटमा गाब्रियल जेससले गोल गर्दै सिटीको अग्रता दोब्बर पारे । ६०औं मिनेटमा सर्जियो अगुइरोले पेनाल्टीमार्फत गोल गर्दै सिटीलाई ३–० ले अघि बढाए । पेनाल्टी बक्समा फेरान टोरेसमाथि एडरवविओयोले फल गरेपछि रेफ्रीले सिटीलाई पेनाल्टी प्रदान गर्दा अगुइरो चुकेनन् । त्यसपछि थप गोल निस्कन नसक्दा सिटी विजयी हुन सफल भयो ।

जितसँगै सिटीको ३० खेलबाट ७१ अंक पुगेको छ । दुई खेल कम खेलेको दोस्रो स्थानको म्यानचेस्टर युनाइटेडको ५४ अंक छ । सिटी दोस्रो स्थानको युनाइटेडभन्दा १७ अंकले अघि छ । पराजित फुलहम २६ अंक जोडेर १८औं स्थानमा रहेको छ ।

अन्य नतिजा
लिड्सविरुद्ध चेल्सी (०–०), क्रिस्टल प्यालेसविरुद्ध वेस्ट ब्रम (१–०) र एभर्टनविरुद्ध बर्नले (१–२)