एजेन्सी – यदि कसैले फुटबलमा ९ नं जर्सी कस्ता खेलाडीले लगाउछन् भन्ने जान्न छ भने एट्लेटिको म्याड्रिडका फरवार्ड लुइस सुआरेजलाई हेर्दा पुग्छ । आइतबार ला लिगामा आल्भेसविरुद्ध गोल गर्दै सुआरेजले खेल जीवनमा ५ सय गोल पूरा गरे ।

बार्सिलोना छाडेर सिजनको सुरुवातमा उरुग्वेली अन्तर्राष्ट्रिय एट्लेटिको पुगेका थिए । आफ्नो करिअरको ५ सय गोल पूरा गरिसकेपछि सुआरेजले आफ्नो फर्मका बारेमा पनि बोलेका छन् । ‘मलाई लाग्छ आफूले खेलिरहेको लिगकै क्लब परिवर्तन गर्न पाउनुमा भाग्यको पनि साथ छ । उनै रेफ्रीहरु । टोलीका साथीहरु पनि चिनजानका । त्यस्तो धेरै परिवर्तन केहि छैन, उनले थपे,‘ म खुसी छु । टोली आज जहाँ छ त्यसका लागि सहयोग गर्न पाउँदा खुसी छु ।’

एट्लेटिको ला लिगामा हाल शीर्षस्थानमा छ । २८ खेलको समाप्तीमा दोस्रो स्थानको बार्सिलोना भन्दा एट्लेटिकोको ४ अंक बढी छ । सुआरेजले टोलीका मार्कोस लोरेन्टे र जान ओब्लाकका बारेमा पनि प्रतिक्रिया दिएका छन् । ‘लोरेन्टे उत्कृष्ट लयमा छन् । उनले टोलीका लागि निकै सहयोग गरेका छन् । उनले टोलीको प्रदर्शनमा प्रभाव पारेका छन्, उनले भने, ‘ ओब्लाक विश्व स्तरीय हुनुमा कारण छ । उनी भाग्यशाली पनि रहे । टोलीलाई सहयोग गरे । जसले उनको मनोबल पनि बढेको छ ।’

सुआरेजले वर्तमान फुटबलमा युवा फरवार्ड इर्लिङ हालान्डको पनि तारिफ गरेका छन् । ‘हालान्ड उत्कृष्ट खेलाडी हुन् । उनी सानदार स्तरमा छन् । शारीरिक रुपमा पनि उनी निकै बलिया छन्,’ उनले भने, ‘ उनी जर्सी नं ९ लगाउने मध्ये उत्कृष्ट एक हुन् । आउने युगले त्यसको विश्लेषण गर्नेछ । म केहि हदसम्म हालान्डको पक्षमा छु । तर एमबाप्पे पनि उत्कृष्ट स्तरमा छन् ।’

बार्सिलोनाको खेल हेर्ने गरेको र लिओनस मेस्सीसँग पनि निरन्तरत सम्पर्कमा रहेको सुरुआजले बताएका छन् । ‘म उनीहरुलाई हेर्छु । किनकी मलाई फुटबल हेर्न मन पर्छ । म क्लबको प्रशंसक हुन्’, उनले भने, ‘मेस्सीसँग लगभग हरेक दिन कुरा हुन्छ । तर कहिले काहि खेलका कारण सम्भव हुन् । सबैलाई थाहा छ क्लब प्रतिको मेरो भावना । त्यस्तै उनीहरुले पनि मलाई सम्झन्छन् ।’

लिभरपुलका पूर्व स्ट्राइकर सुआरेजले डिएगो सिमेवनको प्रशिक्षणमा ला लिगामा यो सिजन २५ खेलमा १९ गोल गरिसकेका छन् । उनको प्रस्थानपछि भने बार्सिलोनालाई आक्रमणमा जम्न केहि समय लागेको थियो ।