चितवन (हाम्रो खेलकुद) – फर्साटिकर एफसी रुपन्देहीलाई हराउँदै सुनौलो संगम युवा क्लब बुटवल चितवनमा जारी सेन्ट्रल कलेज स्व. विजय खड्गी स्मृति गोल्डकप फुटबल प्रतियोगिताको सेमिफाइनलमा प्रवेश गरेको छ । सुनौलो संगम बुटवलले फर्साटिकरलाई टाइब्रेकरमा ५–३ ले पराजित ग¥यो ।

क्याम्पा चौरमा टाइब्रेकरमा फर्साटिकरका भुपाल गुरुङ गोल गर्न चुके । त्यसअघि निर्धारित समयको खेल २–२ को बराबरीमा सकिएको थियो । २२ औं मिनेटमा शरद क्षेत्रीले गोल गर्दै सुनौलो समाजलाई अग्रता दिलाएका थिए । तर उसको अग्रता एक मिनेट पनि टिक्न सकेन । २३ औं मिनेटमा फर्साटिकर खेलमा फर्कियो । नवराज गुरुङले बराबरी गोल फर्काएका थिए ।

दोस्रो हाफमा २० औं मिनेटमा सन्जु सेनले गोल गर्दै फर्साटिकरलाई २–१ को अग्रता दिलाए । ७८ औं मिनेटमा सुनौलोका लागि शरदले दोस्रो गोल गर्दै खेललाई बराबरीमा पुर्याएका थिए । शदर खेलको म्यान अफ दी म्याच घोषित भए र ५ हजार रुपैयाँ प्राप्त गरे । प्रतियोगितामा शनिबार अफ्रिकन रूट्स एसोसिएसन क्यामरून र अभिषेक चर्च रजहरबीच प्रतिस्पर्धा हुनेछ ।

चितवन जिल्ला फुटबल संघले आयोजना गरेको प्रतियोगिताको विजेताले उपाधिसहित ३ लाख र दोस्रो टोलीले १ लाख ५० हजार रुपैयाँ प्राप्त गर्नेछ । प्रतियोगिताको सर्वोत्कृष्ट खेलाडीले २० हजार र विधागत रुपमा उत्कृष्ट खेलाडीले समान १० हजार रुपैयाँ प्राप्त गर्नेछन् ।