एजेन्सी – कतार विश्वकप २०२२ को युरोपियन छनोटमा आज राति इंग्ल्यान्डले अल्वानियाको सामना गर्दैछ । खेल अल्वानियाको मैदानमा राति ९ः४५ बजे हुनेछ ।

घरेलु टोली अल्वानियालाई हराउदै इंग्ल्यान्ड शीर्षस्थानमा उक्लने दाउमा हुनेछ । समुह ‘आई’ मा समान ३ अंक भएपनि गोल अन्तरमा इंग्ल्यान्ड शीर्षस्थानमा रहेको छ । अल्वानिया दोस्रो स्थानमा रहेको छ । यि दुई टोली पहिलोपटक भिड्न लागेका हुन् ।

छनोटको पहिलो खेलमा इंग्ल्यान्डले सान मारिनोमाथि ५–० को सहज जित निकालेको थियो । अल्वानियाले एन्डोरालाई १–० ले हराएको थियो ।
टोलीसँग ह्यारी केन, फिल फोडेन, रहिम स्टर्लिङ, जेम्स वार्ड प्राउज, डिक्लन राइस, मासन माउन्ट, लुका सा, ह्यारी मिगुएर, जोन स्टोन्सरिस जेम्स, डोमिनिक काल्भर्ट लेविन, कोनर कोडे, ओले वाट्किन्स र गोलरक्षक निक पोपेको साथ रहेको छ ।

यता, अल्वानिया पनि इंग्ल्यान्डलाई स्तब्ध पार्दै शीर्षस्थानमा उक्लने दाउमा हुनेछ । टोलीसँग रे मानज, सोकोल, भेसेली, क्वाजिम लासी, इरमिर लेन्जानी गोलरक्षक इट्रिट बेरिसाको साथ रहेको छ ।

यही समूहको अर्काे खेलमा पोल्यान्ड र एन्डोरा तथा हंगेरी र सान मारिनोबीच राति १२ः३० बजे प्रतिस्पर्धा हुदैछ । पोल्यान्ड र हंगेरीको समान १ अंक छ । एन्डोरा र सान मारिनोले अंक जोड्न सकेको छैन ।