दिपक बोहोरा, पाँचथर
तरुण दल पाँचथरले आफ्नो स्थापना दिवसको अबसरमा पाँचथरमा गा.वि.स स्तरिय फुटबल आयोजना पाँचथरको फिदिममा भोली बुधबारदेखी गर्ने भएको छ ।
कार्तिक ३ गतेदेखी सञ्चालन हुने प्रतियोगितामा पाँचथरका २० बटा गाविस र एउटा नगरपालीकाको प्रतियोगीतामा सहभागीता रहने तरुणदल पाँचथरका अध्यक्ष सुमन लामाले बताउनु भयो। कार्तिक २ गतेदेखी १० गतेसम्म सञ्चालन हुने प्रतियोगितामा प्रथम हुने टिमले रु ५१००० र द्धितिय हुने टिमले ३५००० प्राप्त गर्ने लामाले बताए ।
सो प्रतियोगीताको नेपाली कांग्रेसका बरिष्ठ नेता रामचन्द्र पौडेले उद्रघाटन गर्ने कार्यक्रम रहेको लामाले बताउनु भयो । सो प्रतियोगीतामा अनुमानित ७ लाख खर्च हुने आयोजकले हाम्रो खेलकुदलाई बताए । सो प्रतियोगीताको सम्पुर्ण तयारी पुरा भएको आयोजकले जानकारी गरेका छन ।
