एजेन्सी – युइएफए च्याम्पियन्स लिगको प्रि–क्वाटरफाइनलको दोस्रो लेगमा आज राति दुई खेलमा प्रतिस्पर्धा हुँदैछ ।

साविक उपविजेता फ्रान्सेली क्लब पेरिस सेन्ट जर्मेन (पीएसजी) ले घरेलु मैदानमा साविक विजेता जर्मन क्लब बायर्न म्युनिखको आतिथ्यता गर्दा इंग्लिस क्लब चेल्सीले घरेलु मैदानमा पोर्चुगिज क्लब एफसी पोर्टाेको सामना गर्दैछ । खेलहरु नेपालीसमयअनुसार राति १२:४५ बजे हुनेछ ।

पहिलो लेगमा ३–२ को अवे जित निकालेको पीएसजीले आफ्नो मैदानमा बायर्नलाई हराउँदै सेमिफाइनलमा पुग्ने दाउमा हुनेछ । पीएसजीलाई फाइनल पुग्न यही नतिजा नै पर्याप्त हुनेछ । १–० को हारले पनि पीएसजी अवे गोलको आधारमा अन्तिम चारमा प्रवेश गर्नेछ । २–० को हारले पीएसजी बाहिरिनेछ ।

टोलीसँग लयमा रहेका युवा फरवार्ड केलियन एमबाप्पेको साथ रहेको छ । यस्तै अर्काे फरवार्ड नेयमार, कप्तान मार्किन्हस, एन्जल डि मारिया, जुलियन ड्राक्सलर, लियान्द्रो ड्यानियल पारेडेस, इड्रिसा गाना गुआई, डियालो, प्रेसनेल किम्पेम्वे, मोइस किन, राफिन्हा, एन्डर हेरेरा, ड्यानिलो पेरेइरा, कोलिन डग्वा र गोलरक्षक केलर नाभास पनि टोलीमा रहेका छन् ।

यता, साविक विजेता बायर्न पनि पीएसजीमाथि पूनरागमन जित निकाल्दै सेमिफाइन्लमा पुग्ने दाउमा हुनेछ । बराबरी र या हारको नतिजा अघिल्लो चरण नपुग्ने बायर्नलाई अघिल्लो चरण प्रवेश गर्न कम्तीमा पनि २–० को जितको खाँचो छ । जित निकाल्न नसकेको अवस्थामा साविक विजेता बायर्न क्वाटरफाइनलबाटै बाहिरिनेछ ।

टोलीका स्टार फरवार्ड रोवर्ट लेवान्डोस्कीले खेल्ने सम्भावना न्युन रहँदा बायर्नको आक्रमण फितलो बन्न सक्नेछ । उनी टोलीसँगको प्रशिक्षणमा जुटिसकेका छन् । तर, खेल्ने सम्भावना न्युन छ ।

टोलीसँग इरिक म्याक्सिम चुपो मोटिङ, जमाल मुसिएला, थोमस मुलर, लिरोए साने, जोर्डी अल्वा, योसुवा किम्मिख, अलफन्सो डाभिस, थियो हर्नान्डेज, जेरोमी बोएटिङ, बेन्जामिन पाभर्ड र गोलरक्षक तथा कप्तान म्यानुयल नोयरको साथ रहेको छ । यि दुई टोलीको पछिल्लो पाँच भेटमा तीनपटक बायर्न विजयी हुदा दुई खेल पीएसजीले आफ्नो पक्षमा पारेको छ ।