काठमाडौं (हाम्रो खेलकुद)– रेडबुल राष्ट्रिय फुटसल लिग अन्तर्गत शुक्रबारका दुवै खेलमा अवे टोली विजयी भएका छन् । यसरी विजयी हुनेमा ढुकु फुटसल हव र हरिसिद्धि फुटसल छन् ।
समूह एमा ढुकु र किक अफको समान ६ अंक छ । किक अफले २ खेल र ढुकुले त्यो भन्दा एक खेल बढी खेलेको छ । समूह बीमा शंखमुल फुटसल, हरिसिद्धि र कुमारी फुटसलको समान ६ अंक छ ।
ढुकुले भैसीपाटीको रजनी फुटसललाई टोलीकै मैदानमा ८–२ ले हरायो । एकपक्षीय खेलमा ढुकुका कप्तान सुरज राउतले ६ गोल गरे । सविन खड्का र सिद्धान्त बस्नेतले समान १ गोल गरे । रजनीका लागि दुवै गोल रुसन केसीले गरे । दोहोरो ह्याट्रिक गरेका सुरज खेलको म्यान अफ द म्याच घोषित भए ।

अर्को खेलमा हरिसिद्धिले हाइवे फुटसल जोरपाटीलाई २–० ले हरायो । हरिसिद्धिका निरज महर्जन र रैफी महर्जनले गोल गरे । हरिसिद्धिका कप्तान कमल तामाङ म्यान अफ दी म्याच बने ।
एएमए इभेन्टको आयोजनामा १६ टोलीको सहभागितामा होम एन्ड अवेको आधारमा प्रतियोगिताका मंसिर २८ गते सम्म चल्नेछ ।

भोलिको खेल
कुमारी फुटसलविरुद्ध ताहाचल फुटसल
समय – १२ः३० बजे
स्थान – कुमारी फुटसल, पकनाजोल
किकअफ फुटसलविरुद्ध इम्पेरियल फुटसल
समय – ३ः३० बजे
स्थान – किकअफ फुटसल, सीतापाइला