भरतपुर (हाम्रो खेलकुद) – चितवनको धु्रब्रतारा भेट्रान फुटबल टोलीले रोटरी एटए साइड फुटबल प्रतियोगिताको उपाधि जितेको छ । हेटौडामा भएको ४० वर्ष माथिको फुटबल प्रतियोगिता फाइनलमा ध्रुबताराले मोसि क्लब काठ्माण्डौलाई सडन डेथमा हराउदै उपाधि रक्षा गरेको हो ।
निर्धारीत समयमा कुनैपनि गोल हुन नसकेपछि खेल टाइब्रेकरमा धकलिएको थियो । धुब्रताराले उपाधिसहित ४० हजार रुपैयाँ प्राप्त गर्यो । मोसी क्लबले २० हजार पायो । विजेता टोलीका राजेन्द्र श्रेष्ठ प्रतियोगिताको म्यान अफ द सीरिज घोषित भए । उनले दुवईको हवाई टिकट पाएका छन् । ध्रुब ताराकै जगन गुरुङ फाइनलको म्यान अफ द म्याच चुनिए र २० हजार रुपैयाँ पाए ।
विजेताहरुलाई क्षेत्रीय प्रशासक विनोद सुवेदीले पुरस्कार वितरण गरे । रोटरी क्लब अफ मकवनापुरको आयोजनामा विदेशीसहित ११ टोलीको सहभागिता थियो ।
