ला लिगामा एथ्लेटिको बिल्बावोसँगको संघर्षपुर्ण जितपछी रियल मड्रीड अंक तालिकाको शीर्षस्थानमा पुगेको छ ।
रियल म्याड्रीडको घरेलु मैदान सेन्टिएगो बर्नबाउमा भएको खेलमा मड्रीडले एथ्लेटिको बिल्बावोलाई २-१ ले हराएको छ । करिम बेन्जेमाले खेलको सातौ मिनेटमा इसकोलो पासलाई सदुपयोग गर्दै मड्रीड्लाई घरेलु समर्थकहरुको माझ अग्रता दिलाएका थिए ।
पहिलो हाल्फको २८ मिनेटमा मड्रीडको डिफेन्सबाट भुल भएपछी त्यसलाई सदुपयोग गर्दै सबिन मेरिनोले बिल्बावोलाई खेलमा फर्काए ।
क्रीस्टियानो रोनाल्डोले गोल गर्ने धेरै मौका चुकाएपनी २४औ जन्मदिन मनाउदै गरेका सब्स्टिटुड अलभारो मोराटाले गोल गर्दै रियल मड्रीडलाई ३ अंक दिलाउदै शिर्षस्थानमा पुर्याए ।
