default_image

3 years ago

May 4, 2021

प्रशिक्षक न्यौपानेको परिवारलाई समर्थकको सहयोग

84 views

0 Bookmark

काठमाडौं (हाम्रो खेलकुद) – त्रिभुवन आर्मी फुटबल क्लब तथा नेपाल सुपर लिग (एनएसएल) मा पोखरा थन्डर्सका प्रशिक्षक नविन न्यौपानेको परिवारलाई फुटबल समर्थकले नगद सहयोग गरेका छन् ।

नेपाली फुटबललाई खेलाडी र प्रशिक्षकका रुपमा योगदान दिँदै आएका प्रशिक्षक न्यौपानेको बुवा र आमा दुवै क्यान्सरको विरामी हुन् । दुवै पछिल्लो समय पाटन स्वास्थ्य विज्ञान प्रतिष्ठानमा उपचाररत छन् । परिवारको उपचारमा धेरै खर्च हुने देखेपछि फुटबल समर्थकमाझ आर्थिक सहयोग अपिल सहित सहयोग संकलन गरिएको थियो ।

आर्मीका केहि खेलाडी र आम फुटबल समर्थकले नेपाल र अष्ट्रेलियामा गरि संकलन गरेको २ लाख १५ हजार रुपैयाँ आज बैंक खातामार्फत सहयोग गरिएको हो । प्रशिक्षक न्यौपाने आफैं पनि पछिल्लो समय कोरोना संक्रमणका कारण एनएसएलमा प्रत्यक्ष सहभागी छैनन् । समर्थकहरुको प्रतिनिधित्व गर्दै भुवन कुमार न्यौपानेले सहयोग रकम जम्मा गराएका थिए ।

यस्तै अष्ट्रेलियाको क्यानबेराबाट जीवनकुमार घिमिरेले समन्वय गर्दै त्यहाँ रहेका समर्थकबाट १ लाख ६८ हजार २ सय ५० रुपैयाँ सहयोग पठाएका थिए । नेपालबाट केहि समर्थक र आर्मीका खेलाडीले थप रकम सहयोग गरेका थिए ।

सहयोग गर्न चाहनुहुने महानुभावले भुवन कुमार घिमिरे (९८४१५०३८६३) लाई सम्पर्क अथवा प्रशिक्षक न्यौपानेको इन्भेस्टमेन्ट बैंकको अकाउन्ट (०२९०५०३०२६९६९८) मा रकम जम्मा गर्न सक्नुहुनेछ ।

May 17, 2024

रोनाल्डो बने सर्वाधिक कमाउने खेलाडी

एजेन्सी – पोर्चुगिज भेट्रान फुटबल स्टार क्रिस्टियानो रोनाल्डो बेलायती म्यागजिन ‘फोर्ब्स’ को सबैभन्दा धेरै कमाउने खेलाडीको सुचीमा शीर्षस्थानमा रहेका छन् । उनी आफ्नो करिअरमा चौथोपटक म्यागजिन ‘फोर्ब्स’ को सबैभन्दा धेरै कमाउने खेलाडीको सुचीमा शीर्षस्थानमा पुगेका हुन् ।गत वर्ष साउदी अरेबियाको अल नासर गएपछि रोनाल्डो यो सुचीको शीर्षस्थानमा थिए । यसवर्ष पनि उनी शीर्षस्थानमा रहेका हुन् […]

May 17, 2024

बार्सिलोनाको सहज जित

एजेन्सी – स्पेनिस युवा विंगर फर्मिन लोपेजको दुई गोल मद्दतमा बार्सिलोनाले स्पेनिस ला लिगामा सहज जित दर्ता गरेको छ । बार्सिलोनाले रेलिगेसनमा परिसकेको घरेलु टोली अल्मेरियामाथि २–० को सहज जित दर्ता गरेको हो । फर्मिनले दुवै हाफमा गोल गर्दै बार्सिलोनालाई जित दिलाए । अल्मेरियामा बिहीबार राति भएको खेलको १४औं मिनेटमा पहिलो गोल गरेका लोपेजले ६७औं […]

May 16, 2024

चन्द्रागिरी र काठमाडौं गोदावरी मेयर कपको फाइनलमा

ललितपुर (हाम्रो खेलकुद) – चन्द्रागिरी नगरपालिका र काठमाडौं महानगरपालिका प्रथम गोदावरी उपत्यका ब्यापी अन्तर पालिका मेयर कप फुटबल प्रतियोगिताको उपाधिका लागि भिड्ने भएका छन् । च्यासल मैदानमा बिहीबार चन्द्रागिरीले महालक्ष्मी नगरपालिकालाई तथा काठमाडौंले मध्यपुर थिमि नगरपालिकालाई हराउँदै एकअर्कासँगको भेट पक्का गरेका हुन् । पहिलो सेमिफाइनलमा चन्द्रागिरीले महालक्ष्मीलाई १–० ले हराएको हो । ५५ औं मिनेटमा […]

Success

Thank you for your time.