दिपक बोहोरा (पाँचथर)
पाँचथर तरुण दलको आयोजनामा भइरहेको तरुण नकआउट जिल्ला स्तरीय फुटवल प्रतियोगिताको उपाधी फिदिम १ जितेको छ । वुधवार भएको अत्यान्त प्रतिस्पर्धात्मक खेलमा कडा प्रतिद्वन्दि आङसराङलाई झिनो अन्तरले हराउँदै उपाधि कब्जा गरेको हो । १–० अन्तरको जित फिदिमले निकालेको हो । इन्जुरी समयमा फिदिमले गरेको गोल जितका लागि पर्याप्त बन्यो । फिदिमका नरेश सम्वाहाफेले गरेको प्रहरालाई आङसराङका डिफेन्डरको गल्तीका कारण आङसराङ पराजित भएको हो ।
आङसराङका खेलाडीहरुले राम्रो प्रर्दशन गरेपनि गोल लगाउने मौकालाई सदुपयोग गर्न सकेनन । अन्नत उपबिजेतामा चित बुझाउनु प¥यो । खेल हारे पनि आङसराङका खेलाडीहरुले दर्शकको मन जित्न भने सफल रहेका छन ।
विजेता टिम फिदिम १ ले ५१ हजार रुपैयाँ नगद र ट्रफि पाएको छ । संसदको उद्योग, वाणिज्य तथा आपूर्ती हक हित संरक्षण समितिका सभापति नेपाली काग्रेसका केन्द्रीय सदस्य भिष्मराज आङदेम्बेले प्रथम पुरस्कार र ट्रफि हस्तान्तरण गरे । उपविजता टिमले ३५ हजार नगद र ट्रफिमा चित्त वुझाउनु पायो । उपविजेतलाई नेपाली काग्रेसका पाँचथर सभापति नरेन्द्र कुमार केरुङले पुरस्कार हस्तान्तरण गरे ।
म्यान अफ दि म्याच सन्जु तामाङ भए । प्रतियोगताका उत्कृष्ट खेलाडी आङसराङका प्रदिप आङदेम्बे बने । यस्तै सर्वाधिक गोलकर्ता लुङरुपाका साजन राई भए । उनले प्रतियोगिता अवधिमा ६ गोल गरेका थिए ।
नेपाल तरुण दल पाँचथरले आयोजना गरेको प्रतियोगिता जिल्लाका २२ टिमको सहभागिता भएको अध्यक्ष सुमन लामाले जानकारी दिए । यसैविच फाईनलको अवसरमा पत्रकार र राजनीतिक दल विच भएको मैत्रिपूर्ण खेलमा पत्रकारको टोलि विजय भएको छ । राजनीतिक दलको टिम २–१को अन्तरले पराजित बन्यो । पत्रकारका सन्देश सुब्बा, कृष्ण कन्दवाले एक एक गोल गरे । राजनीतिक दलको तर्फवाट गजाधर भटराईले गोल गरेका थिए । प्रमुख पार्टिक शिर्ष नेताहरुसँग पत्रकारले प्रतिस्पर्धा गरेका थिए ।
