3 years ago
June 23, 2021
एजेन्सी – स्पेनिस क्लब रियल म्याड्रिडका फरवार्ड करीम बेन्जेमा युरोपेली च्याम्पियनसिपका लागि राष्ट्रिय टोलीमा परे । लामो समय टोलीबाट बाहिर रहँदै आएका उनले क्लब स्तरमा उच्च प्रदर्शन गरेपछि प्रशिक्षक डीडीएर डेस्च्याम्प्सले टोलीमा समेटेका थिए । बेन्जेमाको आगमनसँगै फ्रान्सको आक्रमण निकै बलियो हुने आँकलन गरिएको थियो । किलीयन एमबाप्पे र एन्टोइन ग्रिजमनसँग बेन्जेमाले बलियो साझेदारी गर्ने […]
एजेन्सी – स्पेनिस क्लब रियल म्याड्रिडका फरवार्ड करीम बेन्जेमा युरोपेली च्याम्पियनसिपका लागि राष्ट्रिय टोलीमा परे । लामो समय टोलीबाट बाहिर रहँदै आएका उनले क्लब स्तरमा उच्च प्रदर्शन गरेपछि प्रशिक्षक डीडीएर डेस्च्याम्प्सले टोलीमा समेटेका थिए ।
बेन्जेमाको आगमनसँगै फ्रान्सको आक्रमण निकै बलियो हुने आँकलन गरिएको थियो । किलीयन एमबाप्पे र एन्टोइन ग्रिजमनसँग बेन्जेमाले बलियो साझेदारी गर्ने अपेक्षा थियो । यहाँसम्म की नाइकीले राष्ट्रिय टोलीको जर्सी निर्माण गर्दा बेन्जेमाको नामसहित निकालेको जर्सी छोटो समयमा नै सकिँदा समर्थकको माग थाम्न सकेको थिएन । तर ३२ वर्षीय फरवार्डले फ्रान्सेली टोलीबाट सोचेजस्तो प्रदर्शन गर्न सकेका छैनन् ।
फ्रान्सले युरो २०२० को पहिलो दुई खेलमा १ गोल मात्र गरेको छ । जर्मनीविरुद्ध म्याट्स हमल्सको आत्मघाती गोलमा जित हासिल गरेको फ्रान्सका लागि हंगेरीविरुद्ध एन्टोइन ग्रिजमनले बराबरी गोल फर्काएका थिए । बेन्जेमाले युरोअघि पनि दुई खेल खेलेका थिए, र सबै खेलमा कुनै गोल गर्न सकेनन् । कुल ३ सय ५ मिनेटमा उनले गोल र असिस्ट गर्न सकेका छैनन् ।
बेन्जेमा गोलका लागि संघर्ष गरिरहँदा टोलीका अर्का फरवार्ड ओलिभिएर जिरुड भने लयमा नै छन् । उनले यो चार खेलमा ७४ मिनेट खेल्दै २ गोल गरिसकेका छन् । बेन्जेमा राष्ट्रिय टोलीबाट बाहिर रहँदा यी दुईको सम्बन्ध राम्रो थिएन । पछिल्लो समय एमबाप्पे र बेन्जेमाको सम्बन्ध राम्रो हुँदा जिरुडले मैदानभित्र पनि एमबाप्पेले उनलाई सहयोग नगरेको आरोप लगाएका थिए ।
बेन्जेमाले हालसम्म राष्ट्रिय टोलीका लागि ८५ खेलमा २७ गोल गरेका छन् । उनले पछिल्लो पटक राष्ट्रिय टोलीका लागि सन् २०१५ मा अर्मेनियाविरुद्ध २ गोल गरेका थिए । त्यसअघि २०१४ मा पोर्चुगलविरुद्ध पनि गोल गरेका थिए । आज युरो अन्तर्गत समूहको अन्तिम खेलमा बेन्जेमा आफ्नो पुनरागमनपछि पहिलो गोल गर्ने लक्ष्यमा हुनेछन् ।
April 18, 2024
एजेन्सी – साविक विजेता म्याचेस्टर सिटीलाई हराउँदै रियल म्याड्रिड च्याम्पियन्स लिगको सेमिफाइनलमा पुगेको छ । सिटीलाई बुधबार पेनाल्टी सुट आउटमा ४–३ ले हराउँदै रियल अन्तिम चारमा पुगेको हो । गोलकिपर लुनिनले दुई पेनाल्टी रोकेपछि १४ पटकको विजेता रियलको सेमिफाइनल यात्रा तय गरेको थियो । त्यसअघि रियल र सिटीबीचको क्वार्टरफाइनलको दोस्रो लेगको निर्धारित र थप सयम […]
April 18, 2024
एजेन्सी – बायर्न म्युनिख च्याम्पियन्स लिगको सेमिफाइनलमा प्रवेश गरेको छ । इंग्लिस क्लब आर्सनललाई बुधबार दोस्रो लेगमा १–० ले हराएपछि समग्रमा ३–२ को नतिजासहित जर्मन टोली बार्यन अन्तिम चारमा पुगेको हो । आर्सनलको मैदानमा भएको पहिलो लेग २–२ को बराबरीमा टुंगिएको थियो । जोसुवा किमिचले गरेको गोल बायर्नका लागि निर्णायक बन्यो । उनले ६३ औं […]
April 17, 2024
काठमाडौं (हाम्रो खेलकुद) – सहिद स्मारक सि डिभिजन लिग अन्तर्गत बुधबार भएको खेलमा सानेपा क्लब विजयी भएको छ । एन्फा कम्प्लेक्समा भएको दिनको दोस्रो खेलमा सानेपा क्लबले स्वयम्भू क्लब माथि २-१ को जित निकालेको हो । सानेपाको लागि पेम्बा दोर्जे र निरञ्जन जंग शाहीले १-१ गोल गरे । पराजित स्वयम्भूका लागि सुग्रीत मगरले एक गोल […]