default_image

3 years ago

June 26, 2021

इटालीको लक्ष्य कीर्तिमानसँगै क्वाटरफाइनल

एजेन्सी – युरोपेली च्याम्पियनसिपको प्रि–क्वाटरफाइनलको खेल अन्तर्गत समूह ‘ए’ को विजेता इटाली र समूह ‘सी’ को उपविजेता अष्ट्रियाबीच प्रतिस्पर्धा हुँदैछ । खेल वेम्वली स्टेडियम लन्डनमा नेपाली समयअनुसार राति १२:४५ बजे हुनेछ । लन्डनमा अष्ट्रियाविरुद्ध मैदान उत्रँदा उपाधि दावेदार इटालीको एकै लक्ष्य हुनेछ । अष्ट्रियालाई हराउँदै आफ्नो अपराजित यात्रालाई लम्ब्याउने अनि आफ्नै नाममा रहेको कीर्तिमा भंग […]

50 views

0 Bookmark

एजेन्सी – युरोपेली च्याम्पियनसिपको प्रि–क्वाटरफाइनलको खेल अन्तर्गत समूह ‘ए’ को विजेता इटाली र समूह ‘सी’ को उपविजेता अष्ट्रियाबीच प्रतिस्पर्धा हुँदैछ । खेल वेम्वली स्टेडियम लन्डनमा नेपाली समयअनुसार राति १२:४५ बजे हुनेछ ।

लन्डनमा अष्ट्रियाविरुद्ध मैदान उत्रँदा उपाधि दावेदार इटालीको एकै लक्ष्य हुनेछ । अष्ट्रियालाई हराउँदै आफ्नो अपराजित यात्रालाई लम्ब्याउने अनि आफ्नै नाममा रहेको कीर्तिमा भंग गर्ने । अन्तर्राष्ट्रिय फुटबलमा इटाली लगातार ३० खेल अपराजित यात्रा बराबरी गरेपछि दुर्लभ कीर्तिमानको नजिक छ । इटालीले अष्ट्रियालाई हराउन सके नयाँ किर्तिमान राख्नेछ ।

इटालीले वेल्समाथि जितसँगै ८२ वर्ष पुरानो कीर्तिमान बराबरी गरेको थियो । इटालीले सन् १९३५ अक्टोबर देखि सन् १९३९ जुलाईसम्म ३० खेल अपराजित रहने कीर्तिमान राखेको थियो । त्यसबेला टोलीका प्रशिक्षक भिटोरियो पोज्जो थिए । उनको नेतृत्वमा टोलीले लगातार दोस्रो विश्वकप तथा सन् १९३६ को ओलम्पिकमा स्वर्णपदक समेत जितेको थियो ।

इटालीले सन् २०१८ मा रोबर्टो मान्सिनीलाई प्रशिक्षकको जिम्मेवारी दिएपछि जाममा २ खेल हारेको छ । पछिल्लोपटक टोलले सन् २०१८ को नेसन्स लिगको खेलमा पोर्चुगलसँग पराजय बेहोरेको थियो । त्यसयता टोलीले ३० खेल जितेको छ । अझ पछिल्लो ११ खेलमा टोलीले गोल पनि खाएको छैन र ३२ गोल गरेको छ ।

प्रशिक्षक मान्सिनी ८२ वर्षअघि पोज्जोको नेतृत्वमा रहेको टोलीले हासिल गरेको सफलताबाट टोली धेरै टाढा रहेको बताउँछन् । ‘पोज्जोले अपराजित यात्रा कायम राख्दा महत्त्वपूर्ण उपाधि पनि जितेका थिए । हामी त्यो स्तरभन्दा धेरै टाढा छौं । जुन टोलीले अन्तिम १६ को यात्रा पार गर्छ, त्यो टोलीले उपाधि जित्नसक्छ,’ उनले भने ।

‘हरेक खेल कठिन हुन्छ । हामीले कुनैपनि खेललाई हल्का रुपमा लिएर जित्न सकिन्छ भन्ने सोच राख्नुहुन्न,’ उनले भने, ‘हामी रोमका समर्थकलाई धन्यवाद दिन चाहन्छौ । आशा छ आउने दिनमा पनि हामीले खुसी राख्ने नतिजा दिन सक्छौं ।’

अनुभवी र युवा खेलाडीमा समिश्रण रहेको इटालीमा लोरेन्जो इन्सिग्ने, सिरो इम्मोविले, फेडरिको बर्नरडेस्ची, फेडरिको चिइसा, निकोलो बरेल्ला, जर्गिन्हो, मार्काे भेराट्टी, जियोभानी डि लोरेन्जो, लियोनार्दाे बोनुची, जर्जियो चिलियानी र गोलरक्षक जियानलुइगी डोन्नररुम्मा रहेका छन् ।

यता, पहिलोपटक नकआउट चरणमा पुगेको अष्ट्रिया उपाधि दावेदार इटालीलाई स्तब्ध पार्दै क्वाटरफाइनल पुग्ने दाउमा हुनेछ । समूह चरणमा मिश्रित प्रदर्शन गरेपनि अष्ट्रिया इटालीलाई हराउने क्षमता राख्दछ । टोलीसँग जुनसुकै पोजिसनमा खेल्न सक्ने कप्तान डेभिड अलाबा, मार्काे अर्नाउटोभिच, कोनराड लाइमर, मार्सेल साबिट्जर, ड्यानियल ब्याकमान टोलीमा रहेका छन् ।

तर, बलियो इटालीलाई रोक्न अष्ट्रियालाई सहज हुनेछैन । यि दुई टोली २००८ पछि पहिलोपटक भिड्न लागेका हुन् । त्यतिबेलाको मैत्रीपुर्ण खेल २–२ गोलको बराबरीमा सकिएको थियो । यि दुई टोलीको हालसम्मको ३५ खेलको नतिजामा इटाली १६ खेलमा विजयी भएको छ । ११ खेल अष्ट्रियाले आफ्नो पक्षमा पार्दा ८ खेल बराबरीमा सकिएको छ ।

सन् १९६० को मैत्रीपुर्ण खेलमा २–१ ले पराजित भएयता इटाली पछिल्लो १३ खेलमा अष्ट्रियासँग अपराजित छ । जसमा १० जित र ३ बराबरीको नतिजा छ । इटाली यो अपराजित यात्रालाई निरन्तरता दिने लक्ष्यमा रहँदा अष्ट्रिया इटालीसँगको हारको जिन्कलाई तोड्ने लक्ष्यमा हुनेछ ।

यो पनि : वेल्स र डेनमार्कको नजर क्वाटरफाइनलमा

March 28, 2024

सुरेश थापा क्षेत्री स्मृति फुटबलमा बाहुनडाँगी विजयी

हिमाल खरेल , मेचीनगर बाहुनडाँगी युवा क्लबले कार्गिल सहिद सुरेश थापा क्षेत्री स्मृति दोस्रो जेसीज नकआउट फुटबल प्रतियोगितामा विजयी सुरुवात गरेको छ । मेचीनगर ४ स्थित सरस्वती माविको खेल मैदानमा आज भएको उद्घाटन खेलमा कचनकवल फुटबल क्लबविरुद्ध २–० को सहज जित निकाल्दै बाहुनडाँगी विजयी भएको हो । जितसँगै बाहुनडाँगी सेमिफाइनलमा प्रवेश गरेको छ । बाहुनडाँगीका […]

March 28, 2024

फुटबल टोली स्वदेश फर्कियो

काठमाडौं (हाम्रो खेलकुद)- राष्ट्रिय फुटबल टोली बहराइनबाट बिहीबार स्वदेश आइपुगेको‌ छ फिफा विश्वकप २०२६ तथा एएफसी एसियन कप २०२७ को छनोटअन्तर्गत बहराइनसँग २ खेल खेलेर नेपाली टोली स्वदेश फर्किएको हो। समूह ‘एच’ मा रहेको नेपाली टोलीले ‘होम एन्ड अवे’ दुवै खेल बहराइनमा खेलेको थियो । पहिलो खेलमा ५–० गोलले पराजित नेपाली टोली बहराइनसँगको‌ मंगलबारको ३–० […]

March 27, 2024

स्लोभेनियासँग पोर्चुगल स्तब्ध

एजेन्सी– अन्तर्राष्ट्रिय मैत्रीपूर्ण खेलमा पोर्चुगल स्लोभेनियासँग स्तब्ध बनेको छ । नौं मिनेटको अन्तरालमा दुई गोल बेहोरेपछि पोर्चुगल घरेलु टोली स्लोभेनियासँग २–० ले स्तब्ध बनेको हो । घरेलु टोली स्लोभेनियाको जितमा एडम नेज्दा सेरिन र टिमी एल्सनेकले गोल गरे । गोल खेलको अन्त्यतिर ९ मिनेटको अन्तरमा भएको थियो । स्लोभेनियामा मंगलबार राति भएको खेलमा पाहुना टोली […]

Success

Thank you for your time.