3 years ago
June 27, 2021
एजेन्सी – पोर्चुगल र बेल्जियम कुनैपनि ठूलो अन्तर्राष्ट्रिय प्रतियोगितामा पहिलो पटक आमनेसामने हुँदैछन् । युरो २०२० को अन्तिम १६ को खेलमा भिड्दा दुवै टोलीको लक्ष्य क्वाटरफाइनलमा स्थान बनाउने हुनेछ । बेल्जियम र पोर्चुगल दुवै टोलीले समूह चरणमा ७-७ गोल गरेका थिए । बेल्जियमले समूह चरणको सबै तीन खेलमा जित हासिल गर्दै शीर्षस्थान हासिल गरेको थियो […]
एजेन्सी – पोर्चुगल र बेल्जियम कुनैपनि ठूलो अन्तर्राष्ट्रिय प्रतियोगितामा पहिलो पटक आमनेसामने हुँदैछन् । युरो २०२० को अन्तिम १६ को खेलमा भिड्दा दुवै टोलीको लक्ष्य क्वाटरफाइनलमा स्थान बनाउने हुनेछ ।
बेल्जियम र पोर्चुगल दुवै टोलीले समूह चरणमा ७-७ गोल गरेका थिए । बेल्जियमले समूह चरणको सबै तीन खेलमा जित हासिल गर्दै शीर्षस्थान हासिल गरेको थियो । यता रोनाल्डोको ५ गोलमा पोर्चुगलले एक जित र एक बराबरसहित समूहको तेस्रो टोली बन्दै नकआउट चरणमा स्थान बनाएको थियो । आजको खेलको विजेताले क्वाटरफाइनलमा इटालीसँग खेल्नेछ ।
यी दुई टोलीले युरोको छनोट चरणमा भने यसअघि ६ पटक खेलेका छन् । पछिल्लो पटक सन् २००८ युरोको प्रारम्भिक छनोटमा पोर्चुगलले दुवै खेलमा बेल्जियमलाई पराजित गरेको थियो । लिस्बनमा भएको खेलमा रोनाल्डोको दुई गोलमा पोर्चुगल ४-० ले विजयी रहेको थियो । त्यस्तै ब्रसेल्समा भने पोर्चुगलले २-१ को जित हासिल गर्दा हेल्डर पोस्टिगा विजयी गोल गर्न सफल भएका थिए ।
समग्रमा छनोट चरण र मैत्रीपूर्ण खेल गरेर पोर्चुगल र बेल्जियमले १८ खेल खेलेका छन् । बेल्जियमले ५ खेलमा जित हासिल गर्दा पोर्चुगलले ६ खेल जितेको छ । ७ खेल बराबरीमा सकिएको छ । यसक्रममा बेल्जियमले २२ गोल गर्दा पोर्चुगलले २१ गोल फर्काएको छ ।
बेल्जियम लगातार दोस्रो र समग्रमा छैटौं पटक युरोपेली च्याम्पियनसिपमा प्रतिस्पर्धा गर्दैछ । युरोमा बेल्जियमको उत्कृष्ट नतिजा सन् १९८० को संस्करणमा फाइनल खेल्नु हो । रोममा भएको उक्त प्रतियोगिताको उपाधि भिडन्तमा पश्चिम जर्मनीसँग टोली २-१ ले पराजित भएको थियो । अघिल्लो संस्करणमा भने बेल्जियम वेल्ससँग क्वाटरफाइनलमा ३-१ को हार बेहोर्दै बाहिरिएको थियो ।
पोर्चुगल लगातार सातौं र समग्रमा आठौं युरोमा प्रतिस्पर्धा गरिरहेको छ । अघिल्लो संस्करणमा उपाधि जित्दा पोर्चुगलले सेमिफाइनलमा वेल्सलाई मात्र ९० मिनेटमा हराएको थियो । त्यसबाहेक सबै खेलमा पोर्चुगल निर्धारित ९० मिनेटमा बराबरीमा रोकिएको थियो । रोनाल्डोले यसपटक समूह चरणका सबै खेलमा गोल गर्ने क्रममा ५ गोलसहित सर्वाधिक गोलकर्ताको सुचिमा शीर्षस्थानमा छन् ।
यो पनि : बेल्जियमसामु पोर्चुगलको अग्निपरीक्षा
April 23, 2024
हिमाल खरेल, मेचीनगरझापाको बुद्धशान्तिमा शनिबार सुरु हुने तेस्रो आदर्श च्यालेन्ज कप फुटबल प्रतियोगिताको खेल तालिका सार्वजनिक भएको छ । खेल मैदान बुद्ध आदर्श माविको सभाहलमा आज भएको पत्रकार सम्मेलनमा खेल तालिका सार्वजनिक भएको हो । खेल तालिकाअनुसार उद्घाटन खेलमा आयोजक आदर्श युवा क्लबले दमकको ध्रुवतारा स्पोर्टिङ क्लबको सामना गर्नेछ । त्यस्तै, दोस्रो खेल आइतबार बिर्तामोड […]
April 23, 2024
एजेन्सी – इङ्ल्यान्ड तथा स्पेनिस क्लब रियल म्याड्रिडका युवा मिडफिल्डर जुड बेलिङहमले अवार्ड जितेका छन् । बेलिङहमले सन् २०२४ को लौरेस वल्ड स्पोर्ट्स ब्रेकथ्रु अफ द इयर अवार्ड जितेका हुन् । गत समरमा जर्मन क्लब बोरुसिया डर्टमुन्डबाट ८९ मिलियन पाउण्डमा रियल आएका २० वर्षीय बेलिङहम क्लबका लागि महत्वपूर्ण खेलाडी बनेका छन् । उनले आइतबार एल […]
April 23, 2024
एजेन्सी – मिलान डर्वीमा शहरी प्रतिद्धन्द्धी एसी मिलानलाई पराजित गर्दै इन्टर मिलान यस सिजन २०२३–२४ को इटालियन सिरी ‘ए’ को च्याम्पियन बनेको छ । मिलानोमा सोमबार राति भएको खेलमा इन्टरले एसी मिलानलाई २–१ ले पराजित गर्दै २०औं पटक सिरी ‘ए’ को च्याम्पियन बन्न सफल भएको हो । इन्टर यो सिजन पाँच खेल अगावै च्याम्पियन बनेको […]