एजेसी – साविक विजेता पोर्चुगलले युरोपेली च्याम्पियनसिप २०२० अन्तर्गत राउन्ड अफ १६ मा बेल्जियमविरुद्ध अघिल्लो खेलबाट टोलीमा २ परिवर्तन गरेको छ । बेल्जियमले भने अघिल्लो खेलबाट टोलीमा ५ खेलाडी परिवर्तन गरेको छ ।

पोर्चुगलले घाइते डिफेन्डर नेल्सन सेमेडोको स्थानमा डिओगो डालोटलाई अवसर दिएको छ । त्यस्तै ड्यानिलो परेराको स्थानमा जोआओ पाल्हिन्हा टोलीमा आएका छन् । फ्रान्सविरुद्ध वैकल्पिक खेलाडीका रुपमा राम्रो प्रदर्शन गरेपछि पाल्हिन्हाले टोलीमा स्थान राख्न सके ।

यता बेल्जियमले भने अघिल्लो खेलमा विश्राम दिएको आफ्ना मुख्य खेलाडीलाई उतारेको छ । अनुभवी डिफेन्डर थोमस भर्मालेनले पनि सुरुवाती रोजाइमा स्थान बनाएका छन् । इडेन हाजार्डले टोलीको कप्तानी गर्दा मिडफिल्डमा युरी टिलेमान्स र एक्सेल विट्सेल छन् । केभिन डे ब्रुएन र रोमेलु लुकाकु आक्रमणमा छन् ।

पोर्चुगल सुरुवाती ११ : (४-३-३)

रुई प्याट्रीसिओ : डिओगो डालोट, रुबेन डियास, रिकार्डो पेपे, राफाएल गुरेरो : जोआओ मोउटिन्हो, जोआओ पाल्हिन्हा, रेनाटो सान्चेस : बर्नार्डो सिल्भा, क्रिस्टियानो रोनाल्डो (कप्तान), डिओगो जोटा

बेल्जियम सुरुवाती ११ : (३-४-३)

थिबाउट कोर्टुवा : टोबी एल्डरवेरल्ड, थोमस भर्मालेन, जान भर्टोन्घन : थोमस मुनिएर, युरी टिलेमान्स, एक्सेल विट्सेल, थोर्गन हाजार्ड : केभिन डे ब्रुएन, रोमेलु लुकाकु, इडेन हाजार्ड (कप्तान)

यो पनि :

यस्तो छ पोर्चुगलविरुद्ध बेल्जियमको इतिहास

नेदरल्यान्ड्सलाई स्तब्ध पार्दै चेक क्वाटरफाइनलमा