3 years ago
June 28, 2021
एजेन्सी – पोर्चुगलको राष्ट्रिय फुटबल टोलीका प्रशिक्षक फर्नान्डो सान्तोसले युरोपेली च्याम्पियनसिप २०२० अन्तर्गत राउन्ड अफ १६ चरणमा बेल्जियमसँग हार बेहोर्दै बाहिरिनु पर्दा दुख व्यक्त गरेका छन् । आइतबार भएको खेलमा थोर्गन हाजार्डको एकमात्र गोलमा साविक विजेता पोर्चुगल १-० ले पराजित भएको थियो । हाजार्डले पहिलो हाफमा गरेको प्रयास नै गोल भएपछि पोर्चुगलले दोस्रो हाफमा निकै […]
एजेन्सी – पोर्चुगलको राष्ट्रिय फुटबल टोलीका प्रशिक्षक फर्नान्डो सान्तोसले युरोपेली च्याम्पियनसिप २०२० अन्तर्गत राउन्ड अफ १६ चरणमा बेल्जियमसँग हार बेहोर्दै बाहिरिनु पर्दा दुख व्यक्त गरेका छन् ।
आइतबार भएको खेलमा थोर्गन हाजार्डको एकमात्र गोलमा साविक विजेता पोर्चुगल १-० ले पराजित भएको थियो । हाजार्डले पहिलो हाफमा गरेको प्रयास नै गोल भएपछि पोर्चुगलले दोस्रो हाफमा निकै प्रयास गरेपनि सफल हुन सकेन । खेलपछि पत्रकारसँग बोल्दै प्रशिक्षक सान्तोसले आफ्नो टोली फाइनलसम्म पुग्ने विश्वास राखेको बताए ।
‘हामी सबै अचम्मित र दुखि छौं । केहि खेलाडी भित्र रोएर बसेका छन् । उनीहरुले आफूले सक्ने मिहिनेत गरेकै हुन्,’ उनले भने, ‘बेल्जियमले ६ पटक पोस्टमा आक्रमण गर्दा १ गोल गर्न सक्यो । हामीले २९ पटक प्रहार गर्दा २ पटक त पोस्टमा नै लाग्न पुग्यो ।’
‘हामीले हार स्वीकार्नुपर्छ । तर खेलबारे बोल्न मसँग धेरै शब्द नै छैन । हामी सबैले फाइनल पुग्न चाहेका थियौं र त्यहाँसम्म पुग्छौं भन्ने विश्वास पनि थियो । फाइनलमा पुगेर उपाधि जित्ने हाम्रो लक्ष्य थियो । अब न्याय र अन्याय भन्दापनि हामीले गोल खाएपछि फर्काउन सकेनौं भन्ने बुझ्नुपर्छ,’ पोर्चुगिज प्रशिक्षकले भने ।
‘सन् २००१६ मा जस्तै उपाधि जित्ने लक्ष्य थियो । यहाँबाट भविष्यका लागि पनि धेरै कुरा सिकेको छौं । सन् २०१९ मा हामी विश्वकपको राउन्ड अफ १६ मा बाहिरीएपनि अर्को वर्ष नेसन्स लिगको उपाधि जित्न सकेका थियौं । अब आउने दिनमा विश्वकपतर्फ हाम्रो ध्यान मोडिनेछ,’ प्रशिक्षकले भने ।
पोर्चुगलले यसअघिका ७ खेलमध्य ६ खेलमा हरेकमा २ वा सोभन्दा बढी गोल गरेको सिलसिला रहेको थियो । तर बेल्जियमले लगातार १२ खेलको अपराजित यात्रालाई बढाउँदै १३ मा पुर्याउन सफल रहयो ।
यो पनि : ‘मेरो गल्तीले टिम हार्यो’ – डी लिग्ट
March 28, 2024
काठमाडौं (हाम्रो खेलकुद)- राष्ट्रिय फुटबल टोली बहराइनबाट बिहीबार स्वदेश आइपुगेको छ फिफा विश्वकप २०२६ तथा एएफसी एसियन कप २०२७ को छनोटअन्तर्गत बहराइनसँग २ खेल खेलेर नेपाली टोली स्वदेश फर्किएको हो। समूह ‘एच’ मा रहेको नेपाली टोलीले ‘होम एन्ड अवे’ दुवै खेल बहराइनमा खेलेको थियो । पहिलो खेलमा ५–० गोलले पराजित नेपाली टोली बहराइनसँगको मंगलबारको ३–० […]
March 27, 2024
एजेन्सी– अन्तर्राष्ट्रिय मैत्रीपूर्ण खेलमा पोर्चुगल स्लोभेनियासँग स्तब्ध बनेको छ । नौं मिनेटको अन्तरालमा दुई गोल बेहोरेपछि पोर्चुगल घरेलु टोली स्लोभेनियासँग २–० ले स्तब्ध बनेको हो । घरेलु टोली स्लोभेनियाको जितमा एडम नेज्दा सेरिन र टिमी एल्सनेकले गोल गरे । गोल खेलको अन्त्यतिर ९ मिनेटको अन्तरमा भएको थियो । स्लोभेनियामा मंगलबार राति भएको खेलमा पाहुना टोली […]
March 27, 2024
एजेन्सी – स्पेनिस क्लब रियल म्याड्रिडका मिडफिल्डर जुड बेलिङहमले अन्तिम समयमा गोल गरेपछि अन्तर्राष्ट्रिय मैत्रीपूर्ण खेलमा इंग्ल्यान्ड हारबाट जोगिएको छ । घरेलु मैदानमा इंग्ल्यान्डले बेल्जियमसँग २–२ गोलको बराबरी खेलेको हो । एक गोल इभान टोनीले गरे । बेल्जियमका लागि दुवै गोल युरी टिलेमान्सले गरेपनि जितको लागि पर्याप्त भएन । वेम्वली स्टेडियम लन्डनमा मंगलबार राति भएको […]