3 years ago
August 3, 2021
एजेन्सी – रियल म्याड्रिडका विंगर मार्को एसेन्सियोको गोलमा स्पेन यू-२३ ले टोकियो ओलम्पिक २०२० अन्तर्गत पुरुष फुटबलतर्फ फाइनलमा स्थान पक्का गरेको छ । स्पेनले अतिरिक्त समयमा लम्बिएको खेलमा घरेलु टोली जापान यू-२३ लाई १-० ले पराजित गर्दै ब्राजिलसँग स्वर्ण पदकको भिडन्त पक्का गरेको हो । त्यसअघि ब्राजिलले टाइब्रेकरमा मेक्सिकोलाई हराउँदै फाइनलमा स्थान पक्का गरेको थियो […]
एजेन्सी – रियल म्याड्रिडका विंगर मार्को एसेन्सियोको गोलमा स्पेन यू-२३ ले टोकियो ओलम्पिक २०२० अन्तर्गत पुरुष फुटबलतर्फ फाइनलमा स्थान पक्का गरेको छ ।
स्पेनले अतिरिक्त समयमा लम्बिएको खेलमा घरेलु टोली जापान यू-२३ लाई १-० ले पराजित गर्दै ब्राजिलसँग स्वर्ण पदकको भिडन्त पक्का गरेको हो । त्यसअघि ब्राजिलले टाइब्रेकरमा मेक्सिकोलाई हराउँदै फाइनलमा स्थान पक्का गरेको थियो । निर्धारित ९० मिनेट र अतिरिक्त समय गोलरहित भएपछि ब्राजिलले टाइब्रेकरमा ४-१ को जित दर्ता गरेको थियो ।
स्पेन र जापानबीच निकै प्रतिस्पर्धात्मक खेलपनि टाइब्रेकरतर्फ उन्मुख हुँदा एसेन्सियोले गोल गरेका थिए । निर्धारित ९० मिनेटको खेल गोलरहित बराबरीमा सकिएपछि खेल अतिरिक्त समयमा धकेलिएको थियो । तर अतिरिक्त समयको ५ मिनेट समय बाँकी हुँदा एसेन्सियोले विजयी गोल गरे । उनले मिकेल ओयाराज्बलको पासमा पेनाल्टी क्षेत्र भित्रबाट गरेको प्रहार गोलमा परिणत भएको थियो ।
त्यसअघि मंगलबार नै भएको अर्को सेमिफाइनलमा मेक्सिको यू-२३ लाई टाइब्रेकरमा ४-१ ले पराजित गर्दै ब्राजिल यू-२३ ले स्वर्ण पदकको भिडन्तमा स्थान पक्का गरेको हो । निर्धारित ९० मिनेट र त्यसपछिको ३० मिनेट अतिरिक्त समय पनि गोलरहित बराबरीमा टुंगिएपछि खेल टाइब्रेकरमा पुगेको थियो । ब्राजिलको सबै ४ प्रहार गोलमा परिणत हुँदा मेक्सिकोले भने सुरुवाती दुई प्रहारमा गोल गर्न सकेन ।
ब्राजिलका लागि कप्तान ड्यानी आल्भेसले पहिलो प्रहार नै गोलमा परिणत गरेका थिए । त्यसपछि मेक्सिकोका एडुआर्डो अगिएरको प्रहार गोलरक्षक अबेर्दार सान्तोसले विफल पारे । ब्राजिलका ग्याब्रिएल मार्टिनेलीले दोस्रो प्रहारमा गोल गर्दा जोहान भास्केजको प्रहार पोस्टमा लाग्दै बाहिरियो ।
त्यसपछि ब्रुनो गुइमारेसले गोल गर्दै ब्राजिललाई जितको संघारमा पुर्याए । मेक्सिकोका कार्लोस रोड्रीग्वेजको प्रहार गोल भएपनि त्यसपछि रेनिएरले गोल गर्दै ब्राजिललाई फाइनलसम्म पुर्याए । ब्राजिल अघिल्लो संस्करणमा घरेलु मैदानमा जितेको पदक रक्षा गर्ने धुनमा छ ।
April 26, 2024
सुर्खेत (हाम्रो खेलकुद)- कोशी प्रदेशले महिला लिग छनोटमा लगातार चौथो जित निकालेको छ। कोशीले विजय यात्रालाई निरन्तरता दिने क्रममा शुक्रबार लुम्बिनी प्रदेशलाई ३-० ले हरायो। कर्णाली प्रदेश रंगशालामा भएको खेलमा कोशीलाई जित दिलाउन मनिका तुम्रोकले २ र सन्जुमाया तामाङले १ गोल गरिन्। सन्जुमायाले २३ औं मिनेटमा गोल गरिन् । मनिकाले ३९ र ५७ औं मिनेटमा […]
April 26, 2024
एजेन्सी- म्यानचेस्टर सिटीले इंग्लिस प्रिमियर लिगमा बिहीबार जित निकालेपछि उपाधि दौड रोमाञ्चक बनेको छ । ब्राइटनलाई ४-० ले हराएपछि सिटी लिभरपुललाई पछि पार्दै अंक तालिकाको दोस्रो स्थानमा उक्लेको छ।सिटीको जितमा लाई फिल फोडेनले २ , केभिन डी ब्रुएने र जुलियन अल्भारेजले समान १ गोल गरे। ब्राइटनको मैदानमा सिटीका लागि केइल वाल्करको पासमा ब्रुएनेले १७ औं […]
April 25, 2024
विराटनगर (हाम्रो खेलकुद) – घरेलु टोली पेमा युवा क्लब विराटनगर चौंथो संस्करणको मिल्स गोल्डकप फुटबल प्रतियोगिताको फाइनलमा पुगेको छ । विराटनगर जुटमिलको खेलमैदानमा बिहीबार भएको दोस्रो सेमिफाइनलमा कोशी प्रदेश प्रहरी कार्यालय रानी विराटनगरलाई ३–१ गोलले हराउँदै पेमा अन्तिम दुईमा पुगेको हो । पेमाले शनिबार हुने फाइनलमा सशस्त्र प्रहरी बल (एपीएफ) पकली, सुनसरीसँग प्रतिस्पर्धा गर्नेछ । […]