लुइस स्वारेजको दोस्रो हाल्फको निर्णायक गोलले बार्सिलोनाले सेभिल्ला बिरुद्ध जित्दै ३ अंक बटुल्न सफल भयो । बार्सिलोना मड्रीड भन्दा २ अंक कम हुँदै तालिकाको दोस्रो स्थानमा छ ।
यो सिजन निकै नै प्रभावकारी देखिएको सेभिल्लाले पहिलो हाल्फमा अग्रता लिन सफल भयो । मसिन पेरेजले गोल गर्दै सेभिल्लालाई १५ मिनेटमा अग्रता दिलाए ।
पहिलो हाल्फमा संयोगले ट्याकल हान्दा जुत्ता खुस्किएपछी पहेलो कार्ड पाएका मेस्सिले पहिलो हाल्फ सकिनु अघी १८ यार्डबाट प्रहार गर्दै बराबरी गरे । दोस्रो हाल्फमा स्वारेजले मेस्सिको पास सदुपयोग गर्दै ६१ मिनेटमा निर्णायक गोल गरे ।
