3 years ago
August 28, 2021
एजेन्सी – साविकको विजेता इन्टर मिलानले एक गोलले पछि परेको अवस्थामा इटालियन सिरी ‘ए’ मा पूनरागमन जित दर्ता गरेको छ । घरेलु टोली हेलास भेरोनासँग १–० ले पछि परेको अवस्थामा इन्टरले ३–१ को पूनरागमन जित दर्ता गरेको हो ।
भेरोनामा शुक्रबार राति भएको खेलमा इन्टरको जितमा जोआक्विन कोरेआले दुई तथा लोउटारो मार्टिनेजले एक गोल गरे । घरेलु टोलीका इभान लिसको गोल सान्त्वना बन्यो । खेलको १५औं मिनेटमा इभान लिसको गोलबाट घरेलु टोलीले पहिलो हाफमा १–० को अग्रता लिन सफल भएको थियो ।
खेलमा पछि परेपछि इन्टरले बल पोसेसनमा पकड राख्दै घरेलु टोलीलाई लगातार दवावमा राखेपनि गोलको लागि दोस्रो हाफ नै कुर्नुपरेको थियो । दोस्रो हाफको शुरुमै ४७औं मिनेटमा लोउटारो मार्टिनेजले गोल गर्दै खेललाई १–१ गोलको बराबरीमा ल्याएपछि इन्टर खेलमा फर्किएको थियो । ८३औं मिनेटमा जोआक्विन कोरेआले माटियो डरमिएनको पासमा गोल गर्दै इन्टरलाई २–१ को अग्रता दिलाए ।
इन्ज्युरी समयको थप गरिएको चौथो मिनेटमा जोआक्विन कोरेआले निकोलो बरेल्लाको पासमा व्यक्तिगत दोस्रो तथा टोलीका लागि तेस्रो गोल गर्दै इन्टरलाई ३–१ को पूनरागमन जित दिलाए । लगातार दोस्रो जितसँगै इन्टर दुई खेलबाट ६ अंक जोडेर शीर्ष स्थानमा उक्लिएको छ । पराजित भेरोना अंकविहीन हुदै १९औं स्थानमा छ ।
यस्तै अर्काे खेलमा उडिनेसले भेनेजियालाई ३–० ले हराउँदै सिरी ‘ए’ मा पहिलो जित दर्ता गरेको छ । उडिनेसको जितमा इगासियो पुसेटो, जेराड डेउलोफेउ र नाहुएल मोलिनाले समान एक गोल गरे ।
जितपछि भेरोनाको दुई खेलबाट ४ अंक पुगेको छ । पराजित भेनेजिया अंकविहीन हुदै पुछारमा छ ।
May 8, 2024
काठमाडौं (हाम्रो खेलकुद) – सहिद स्मारक सि डिभिजनको सातौं चरणको पहिलो खेलमा जित दर्ता गर्दै आरसी ३२ फुटबल एकेडेमी तालिकाको शीर्ष स्थानमा उक्लिएको छ । बुधवार एन्फा कम्प्लेक्समा भएको खेलमा आरसी ३२ ले स्पोर्ट्स एकेडेमी साँगालाई २-० ले पराजित गरेको हो । आरसी ३२ को जितमा सुजन बलम्पाकी मगर र सञ्जय सुब्बाले समान १-१ गोल […]
May 8, 2024
एजेन्सी – युरोपेली च्याम्पियन्स लिगको फाइनल प्रवेशका लागि स्पेनिश टोली रियल म्याड्रिड र जर्मन टोली बायर्न म्युनिख आज भिड्दै छन् । रियलको घरेलु मैदान सान्टियागो बर्नाबेउमा हुने दोस्रो लेग आज राती १२:४५ बजे सुरु हुनेछ । बायर्नको घरेलु मैदानमा भएको पहिलो लेग २-२ को बराबरीमा सकिएको थियो । बायर्नले खेलमा रहेको अग्रता अन्तिम तिर गुमाउन […]
May 8, 2024
एजेन्सी – फ्रेन्च टोली पेरिस सेन्ट जर्मेन (पिएसजी) लाई पराजित गर्दै जर्मन क्लब बोरुसिया डर्टमुण्ड युरोपेली च्याम्पियन्स लिगको फाइनलमा प्रवेश गरेको छ । पिएसजी माथि दोस्रो लेगमा १-० सहित समग्रमा २-० को जित हासिल गर्दै डर्टमुण्ड ११ वर्ष पछि च्याम्पियन्स लिगको फाइनलमा पुगेको छ। पिएसजीको घरेलु मैदान पार्क डेस प्रिन्सेसमा भएको दोस्रो लेगमा डर्टमुण्डका लागि […]