कुचिङ (हाम्रो खेलकुद) – एएफसी सोलिडारिटी कप अन्तर्गत लाओससंग सेमिफाइनल खेल खेल्नु अगाडी नेपाली टोलि उपाधिको लागि फाइनल पुग्नेमा आफु विश्वस्त रहेको प्रशिक्षक ग्योतोकु कोजिले बताएका छन्।
आज मलेसियामा भएको पत्रकार सम्मेलनमा बोल्दै प्रशिक्षक कोजिले नेपाल फाइनल पुग्न तयार रहेको अभिव्यक्ति दिएका हुन्। “लाओस राम्रो टोलि हो, हामीले केहि महिनाअघी मात्र लाओस संग मैत्रीपूर्ण खेलमा बराबरी खेलेका हौँ। तर, हाम्रो टोलि अहिले थप निखारिएको छ र हामी जितको लक्ष्य लिएर मैदानमा उत्रनेछौ।”, उनले थपे।
कोजिले नेपाललाई एक दिन बढी विश्राम हुनु पनि फाइदाजनक रहेको बताए। पानि परेको खण्डमा भने खेल खेल्न केहि कठिनाई हुने उनले बताए। “लाओस अहिलेको वातावारणमा घुलमिल भएको टोलि हो र उनीहरुलाई यहाँ खेल्न केहि सहज भने हुनेछ। सकेसम्म पानी नपरोस भन्ने हाम्रो चाह हो”, कोजीले भने।
नेपालले शनिबार दिउसो नेपाली समयानुसार दिनको २:१५मा लाओस विरुद्ध सेमिफाइनल खेल खेल्दैछ। खेलको प्रतक्ष्य प्रशारण हाम्रो खेलकुदको फेसबुक पेजमा हुनेछ।
