सान मारिनो (एजेन्सी) – बिश्व कप छनोट चरणको खेलमा जर्मनिले सान मारिनोलाई ८–० ले जित्दै ४ खेलमा शत प्रतिशत नतिजा निकाल्न सफल भएको छ ।
सामि खदिरको गोल बाट सुरुवाती ७ मिनेटमा अग्रता लिएको जर्मनिले २ मिनेटपछी पहिलो खेल खेलेका सर्जि ग्नाब्रीको गोलमा जर्मनिले आफ्नो अग्रता दोब्बर गरेको थियो । आर्सनल बाट आफुलाई स्थापित गर्न नसकेपछी यही सिजन न्युन सुल्कमा वेरडर ब्रेमन गएका २१ बर्षिय विङरको राम्रो फर्म अन्तर्राष्ट्रिय खेलमा पनि जारी रह्यो । त्यस्तै पहिलो हाल्फमा जोनास हेक्टरले गोल गर्दै जर्मनिले ३-० को सहज स्कोर बनायो ।
दोस्रो हाल्फमा ग्नाब्रीले थप दुइ गर्दै आफ्नो ह्याट्रीक पुरा गरे । दोस्रो हाल्फमा जोनास हेक्टर, केभिन भोलान्ड र माटिया स्टेफान्लिको आत्मघाती गोलले गर्दा जर्मनी ८-० को जित रच्दै ४ खेलमा १२ अंक बटुल्न सफल भयो । समुहमा लगातार ४ खेल हारेको सान मरिनो भने अन्तिम स्थानमा छ ।
त्यस्तै समुहको अन्य खेलमा चेक रिपब्लिकले नर्वेलाई २-१ ले हरायो भने नर्सर्द आयरल्याण्डले आजर्बैजानलाई ४-० ले पछी पार्यो ।
