काठमाडौं (हाम्रो खेलकुद) – रेडबुल फुटसल लिगमा बुधबार शंखमुल फुटसल र ह्वाइट हर्स फुटसल विजयी भएका छन् । समूह बीमा शंखमुल फुटसलले होम ग्राउन्डमा कुमारी फुटसललाई १०–२ ले हरायो । शंखमुललाई जित दिलाउन म्यान अफ द म्याच अभय राणाले ४ , निर्मल गुरुङले २, युनिस अवाले, विप्लवध्वज शाह, हिम्साइल जीसीले समान १ गोल गरे । कुमारीका मिसन लामाले आत्मघाती गोल गरे । कुमारीका रुपेश क्षत्री र सुमेश तामाङले १/१ गोल गरे ।

जितपछि शंखमुल समूहको शीर्षस्थानमा थप मजबुद बनेको छ । ९ खेलमा शंखमुलको २२ अंक पुगेको छ । उत्तिनै खेलमा कुमारीको १७ अंक छ र टोली दोस्रो स्थानमा छ । अर्को खेलमा रितेश लामाको ह्याट्रिकमा ह्वाइट हर्सले इम्पेरियल फुटसललाई ८–५ ले पराजित गर्यो । ह्वाइट हर्सका मनोज प्रजापति र मञ्जिल महर्जनले समान र प्रनेश गोर्खालीले १ गोल गरे । इम्पेरियलका निराजन गैरेले ह्याट्रिक गरे भने किसन अधिकारी र दीपक घिसिङले १/१ गोल गरे । ह्वाइट हर्सका रितेश म्यान अफ दी म्याच चुनिए । ह्वाइट हर्स ९ खेलमा १६ अंक छ भने इम्पेरियलको ९ खेलमा ९ अंक छ ।