काठमाडौं (हाम्रो खेलकुद)– समूह बीको शीर्ष टोली शंखमुल र ह्वाइटहर्ष फुटसलले रेडबुल फुटसल लिगमा शुक्रवबार जित हासिल गरेका छन् । दिनेश राजवंशीको २ गोलको मद्दतमा शंखमुलले होम टोली सामाखुसी फुटसललाई ४–३ ले हरायो ।
शंखमुलका लागि अनिष श्रेष्ठ र निर्मल गुरुङले पनि गोल गरे । अनिष श्रेष्ठले म्यान अफ द म्याच घोषित भए । सामाखुसीका लागि सुजन महर्जन, श्याम नेपाली र देबचन थापाले गोल गरे । १० खेलमा शंखमुलको २५ अंक पुगेको छ । ९ खेलमा दोस्रो स्थानको ताहाचलको १९ अंक छ । १० खेलबाट १६ अंक जोडेको सामाखुसी समूह बीको चौथो स्थानमा छ ।
अर्को खेलमा होम टिम ह्वाइटहर्षले चउर रिक्रियसन सेन्टरलाई ८–३ ले पराजित गर्यो । होम टिमका लागि मन्जिल महर्जनले ह्याट्रिक ३ गरे भने म्यानअफ द म्याच मनोज प्रजापतिले २ गोल, सुजित प्रजापति,रबि सिलवाल र नितेस महर्जनले समान १ गोल गरे । चउरका रोचक गुरुङ ले २ र अर्को गोल सुजित गुरुङले गरे । ह्वाइटहर्ष १० खेलबाट १९ अंक बनाउदै समूह एको दोश्रो स्थानमा उक्लिएको छ । समान १९ अंक भएपनि बानेश्वर तेश्रो स्थानमा रहेको छ । ९ खेलबाट २१ अंकसहित किकअफ शीर्षस्थानमा छ ।
