काठमाडौं (हाम्रो खेलकुद) – ढुकु फुटसलले शनिबारको खेल जित्दै रेडबुल फुटसल लिगअन्तर्गत समूह एको शीर्षस्थानमा उक्लेको छ । रजनी फुटसललाई ७–५ ले हराउँदै ढुकुको पहिलो स्थानमा उक्लेको हो ।
ढुकुका सिद्धान्त बस्नेतले ह्याट्रिक गरे भने मुस्कान लामाले २ र प्रकाश अधिकारीले १ गोल गरे । एक गोल आत्मघाती भएको थियो । मुस्कान खेलेको म्यान अफ दी म्याच बने । रजनीका लागि आयुष कार्की र सुसान केसीले समान २ र अनिष थापाले १ गोल गरे । १० खेलमा ढुकोको २१ अंक पुगेको छ । समान अंक भएपनि किकअफ फुटसल दोस्रो स्थानमा झरेको छ । तेश्रा स्थानमा रहेको ह्वाइटहर्षको १० खेलमा १९ अंक छ । १२ अंकसहित रजनी समूहको पाँचौं स्थानमा छ ।
