काठमाडौँ (हाम्रो खेलकुद)– रेडबुल फुटसल लिगमा शुक्रबार बानेश्वर रिक्रिएसन सेन्टर र कुमारी फुटसलले सफलता हात पारेका छन् । अवे खेलमा बानेश्वरले कौशलटारको एम्पेरियललाई ६–५ ले हरायो । विजयी टोलीका लागि कर्फु रसाइलीले ह्याट्रिक, करुण ज्ञवालीले २ र दिपु लामाले १ गोल गरे । एम्पेरियलका लागि म्यान अफ दि म्याच निराजन गैरे एक्लैले ४ गोल गरे भने दिपक घिसिङले अर्को थपे । बानेश्वर ११ खेलबाट २५ अंक सहित समुह एको दोस्रो स्थानमा उक्लेको छ । किक अफ २७ अंकसहित शीर्षस्थानमा छ भने ढुकु २२ अंकसाथ तेस्रो स्थामा छ । एम्पेरियलको ९ अंक छ ।
समूह बीमा कुमारीले अवे खेलमा कीर्तिपुरलाई ८–२ ले पराजित गरे । कुमारीका लागि अभिषेक रिजालले ४ , सुरेश लामा,रितेश खड्की,आषिस लामा र कप्तान समेत रहेका म्यान अफ दि म्याच रुपेश क्षेत्रिले १ गोल गरे । कीर्तिपुरका अमित तामाङ र यमन महर्जनले गोल गरे । कुमारी ११ खेलबाट २० अंक सहित दोस्रो स्थानमा रहेको छ । पहिलो स्थानमा रहेको शंखमुलको २६ अंक छ । २० अंकसहित हरिसिद्धी तेस्रो स्थानमा छ ।
