काठमाडौं (हाम्रो खेलकुद) – सुजित बुढाथोकीको पाँच गोलको मद्दतमा राष्ट्रिय रेडबुल फुटसल लिगमा आइतबार ताहचल फुटसलले होम ग्राउन्डमा हरिसिद्धी फुटबलसलाई ७ –२ को फराकिलो अन्तरले हराएको छ । विजयी टोलीका लागि थप दुई गोल अनिल तामाङले गरे । हरिसिद्धीका लागि राजेश लिम्बु र लाल बहादुर तामाङले गोल गरे । ताहचलका सुजित खेलको म्यान अफ दि म्याच घोषित भए ।

जितसँगै ताहचल १२ खेलबाट २२ अंकका साथ समूह बीको तेस्रो स्थानमा उक्लिएको छ । हरिसिद्धि को समान खेलमा २० अंक छ र टोली चौथो स्थान झरेको छ । समूह बीमा शंखमुल फुटसल समान खेलबाट २८ अंकसहित शीर्षस्थानमा रहेको छ । ११ खेलबाट २३ अंक जोडेको कुमारी फुटसल दोस्रो र १९ अंकका साथ सामाखुसी फुटसल पाँचौ स्थानमा छ ।